+7 (701) 759 90 19
12 °С : نۇر-سۇلتان
18 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

كولىكتى جەڭىلدەتىلگەن نەسيەمەن بەرۋ باعدارلاماسى توقتاتىلدى

23 ماۋسىم 22:55
:ءبولىسۋ
كولىكتى جەڭىلدەتىلگەن نەسيەمەن بەرۋ باعدارلاماسى توقتاتىلدى

الماتى. قازاقپارات - قازاقستاندا جەڭىلدەتىلگەن اۆتونەسيە بەرۋ باعدارلاماسى توقتاتىلدى.

بۇل تۋرالى قازاقپارات ساۋالىنا وراي ۇلتتىق بانكتىڭ باسپا ءسوز قىزمەتى ءمالىم ەتتى.

ۇلتتىق بانك جەڭىلدەتىلگەن اۆتونەسيە بەرۋ باعدارلاماسىن 2019-جىلدىڭ 31- مامىرىندا ىسكە قوسقان. شارتتاردا وتاندىق وندىرىستەن جەڭىل اۆتوكولىك ساتىپ الاتىن جەكە تۇلعالارعا 4 پايىز نومينال مولشەرلەمەمەن نەسيە بەرۋ قاراستىرلعان. سونىمەن قاتار، باعدارلامانى ىسكە اسىرۋ ءۇشىن ۇلتتىق بانك 2019-2020-جىلدارى 40 ميلليارد تەڭگە، ياعني جىل سايىن 20 ميلليارد تەڭگە ءبولدى. ۇلتتىق بانك بەرگەن اقپاراتقا سۇيەنسەك، 2021-جىلدىڭ 27- مامىرىنداعى جاعداي بويىنشا، بارلىعى 48,8 ميلليارد تەڭگەگە 8546 نەسيە بەرىلگەن، ونىڭ ىشىندە 8,8 ميلليارد تەڭگە بۇرىن بەرىلگەن اۆتوكرەديتتەردى (ريەۆولۆەرلىك تەتىك) وتەۋدەن تۇسكەن قاراجات ەسەبىنەن ساتىلعان.

«ۇلتتىق بانك باسقارماسىنىڭ 2021-جىلعى 24- مامىرداعى 56№ شەشىمىمەن قازاقستان ۇلتتىق بانك باسقارماسىنىڭ 2019-جىلعى 31- مامىرداعى 79№ «وتاندىق ءوندىرىستىڭ جەڭىل اۆتوكولىگىن ساتىپ الۋشىلارعا كرەديت بەرۋ باعدارلاماسىن بەكىتۋ تۋرالى» قاۋلىسىنىڭ كۇشى جويىلدى. بۇل رەتتە، ۇلتتىق بانك بۇعان دەيىن بولگەن 40 ميلليارد تەڭگە سوماسىنداعى قارجىنى قازاقستاندا وندىرىلگەن جەڭىل كولىكتى ساتىپ الۋشىلاردى ءدال سول شارتتارمەن نەسيەلەۋ ءۇشىن پايدالانۋ مۇمكىندىگى قاراستىرىلعان»، - دەپ جاۋاپ بەردى ۇلتتىق بانكتىڭ باسپا ءسوز قىزمەتىنەن.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات