+7 (701) 759 90 19
12 °С : نۇر-سۇلتان
20 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

ۆاكسينا العان قانشا قازاقستاندىق كوروناۆيرۋس جۇقتىردى؟

23 ماۋسىم 22:41
:ءبولىسۋ
ۆاكسينا العان قانشا قازاقستاندىق كوروناۆيرۋس جۇقتىردى؟

نۇر-سۇلتان. قازاقپارات - ق ر د س م سانيتاريالىق-ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا قازاقستاندا قانشا ادام ۆاكسينادان كەيىن دە كوروناۆيرۋس جۇقتىرعانىن ايتىپ بەردى، دەپ حابارلايدى قازاقپارات ءتىلشىسى.

«قازىرگى ۋاقىتتا ۆاكسينالاۋدان كەيىن 1437 ادام اۋىرعان. مۇنىڭ وتە تومەن دەڭگەي - %0,05 ەكەنىن اتاپ وتكىم كەلەدى. ءوندىرۋشىنىڭ ءوزى ۆاكسينانىڭ تيىمدىلىگىن %92 دەپ كورسەتكەن، ياعني 100 ادامنىڭ سەگىزى اۋىرىپ قالۋى مۇمكىن»، - دەدى ا. ەسماعامبەتوۆا ورتالىق كوممۋنيكاتسيالار قىزمەتىندە وتكەن بريفينگىدە.

سپيكەر «سپۋتنيك V» ، «Hayat-Vax» جانە «QazVac» ۆاكسينالارىن العان ناۋقاستار تۋرالى مالىمەتتەردى كەلتىردى.

«سپۋتنيك V» العاشقى دوزاسىنان كەيىن 979 ادام اۋىرىپ قالعان، «QazVac-تەن» كەيىن - سەگىز جانە «Hayat-Vax» ۆاكسيناسىنان كەيىن - 35 ادام اۋىرعان. بۇعان دەيىن ق ر پرەمەر- ءمينيسترىنىڭ ورىنباسارى ەرالى توعجانوۆ «ەلدە ۆاكسينالاۋ مىندەتتەلۋى مۇمكىن بە؟» دەگەن سۇراققا جاۋاپ بەرگەن ەدى.

پرەمەر-مينيستر ورىنباسارى قازاقستاندا ۆاكسينالاۋ قارقىنى كوڭىل كونشىتپەيتىنىن جانە ەگۋ سانىن ارتتىرۋ تالاپتارى كۇشەيەتىنىن جەتكىزدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات