جاڭا وقۋ جىلىن ءداستۇرلى فورماتتا باستاۋ جوسپاردا بار - ەرالى توعجانوۆ
بۇل تۋرالى ق ر پرەمەر-ءمينيسترىنىڭ ورىنباسارى ەرالى توعجانوۆ ايتتى، دەپ حابارلايدى قازاقپارات ءتىلشىسى.
ورتالىق كوممۋنيكاتسيالار قىزمەتىندەگى بريفينگ بارىسىندا ب ا ق وكىلدەرى ق ر دەنساۋلىق ساقتاۋ ءمينيسترى الەكسەي سويدان مەكتەپ وقۋشىلارى مەن ستۋدەنتتەر قاشان وفلاين وقۋعا ورالاتىندىعىن سۇراعان ەدى.
«بارلىعى ەپيدەميولوگيالىق احۋالعا بايلانىستى بولادى. ۇجىمدىق يممۋنيتەت حالىقتىڭ 60 پايىزدان استامى ۆاكسينا العان كەزدە قالىپتاسادى. سوندىقتان بارلىق ۇجىمدار دايىندالىپ جاتىر. ستۋدەنتتەردىڭ اراسىندا، جالپى حالىقتىڭ اراسىندا ءتۇسىندىرۋ جۇمىستارى قارقىندى جۇرگىزىلۋدە»، - دەپ جاۋاپ بەردى مينيستر.
ال وسى ساۋالعا تولىعىراق جاۋاپ بەرگەن ق ر پرەمەر-ءمينيسترىنىڭ ورىنباسارى ەرالى توعجانوۆتىڭ دەرەگىنشە، بۇگىندە پەداگوگتەردىڭ 84 پايىزى كوروناۆيرۋسقا قارسى ۆاكسينا العان.
«سوندىقتان قازىردىڭ وزىندە وتە بايىپتى دايىندىق جۇرگىزىلىپ جاتىر. مەنىڭشە، ارى كەتكەندە 20- شىلدەگە دەيىن (پەداگوگتەر تولىق ۆاكسينا الۋى ءتيىس). بۇل جايىندا بارلىعى بىلەدى. وفلاين رەجيمگە ورالۋ جوسپارىمىزدا بار. ءبىراق، بۇل ءبىرىنشى كەزەكتە ەپيدەميولوگيالىق احۋالعا بايلانىستى بولادى. دەگەنمەن، ەلىمىز وقىتۋدىڭ ءداستۇرلى فورماتىنا دايىندالىپ جاتىر»، - دەدى ەرالى توعجانوۆ.