21:30, 23 - ماۋسىم 2021 | GMT +6
قازاقستاندا بالالارعا ۆاكسينا سالىنا ما - مينيستر جاۋابى
نۇر-سۇلتان. قازاقپارات - ق ر دەنساۋلىق ساقتاۋ ءمينيسترى الەكسەي سوي «بالالارعا ۆاكسينا سالىنا ما؟» دەگەن سۇراققا جاۋاپ بەردى، دەپ حابارلايدى قازاقپارات.
«QazVac» بويىنشا بالالارعا كلينيكالىق زەرتتەۋلەر جۇرگىزىلگەن جوق. قازاقستان زاڭناماسىنا سايكەس، بالالارعا كلينيكالىق سىناقتار جۇرگىزۋگە تىيىم سالىنعان. قالعان ۆاكسينالارعا كەلسەك، ازىرلەۋشىلەردىڭ ۆاكسينانى بالالارعا قولدانۋ تۋرالى مالىمەتتەرىن كۇتەمىز. مۇمكىندىگىنشە ەل ىشىندە بالالار جاسىندا قولدانۋدى قاراستىرامىز جانە ءتيىستى شەشىم قابىلدايمىز»، - دەپ جاۋاپ بەردى دەنساۋلىق ساقتاۋ ءمينيسترى ورتالىق كوممۋنيكاتسيالار قىزمەتىندە.
بۇعان دەيىن الەكسەي سوي «قازاقستان دەپۋتاتتارى ۆاكسينا سالدىردى ما؟» دەگەن سۇراققا جاۋاپ بەرگەن ەدى.
قازىرگى ۋاقىتتا قازاقستاننىڭ ءاربىر جەتىنشى ازاماتى ۆاكسينا الدى.