+7 (701) 759 90 19
12 °С : نۇر-سۇلتان
20 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

ۆاكسينا پاسپورتىن قولدان جاساعاندارعا قانداي شارالار قولدانىلادى؟

23 ماۋسىم 21:14
:ءبولىسۋ
ۆاكسينا پاسپورتىن قولدان جاساعاندارعا قانداي شارالار قولدانىلادى؟

نۇر-سۇلتان. قازاقپارات - ق ر پرەمەر-ءمينيسترىنىڭ ورىنباسارى ەرالى توعجانوۆ ۆاكسينالاۋ پاسپورتىن قولدان جاساۋ ماسەلەسى بويىنشا ەڭ قاتاڭ شارالار قابىلداناتىنىن ايتتى، دەپ حابارلايدى قازاقپارات ءتىلشىسى.

«مىندەتتى ۆاكسينالاۋ تۋرالى ءسىز ۇسىنعان شارالار ءىس جۇزىندە ۆاكسينا الماعانداردى كەمسىتۋشىلىككە اكەپ سوعادى دەگەن پىكىر بار. بۇعان نە دەيسىز؟ بۇل ۆاكسينالاۋ پاسپورتتارى مەن پ ت ر تەست ناتيجەلەرىن قولدان جاساۋدى ارتتىرادى دەپ ەسەپتەمەيسىز بە؟»، - دەپ سۇراق قويدى جۋرناليست ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە.

«مۇنداي ماسەلەدەن حاباردارمىز. بىرنەشە جاعداي الماتى جانە الماتى وبلىسىندا تىركەلدى. قازىر بۇل ماسەلەمەن قۇقىق قورعاۋ ورگاندارى اينالىسىپ جاتىر. سوندىقتان، ۆاكسينا پاسپورتتارىن قولدان جاساۋعا تىرىساتىندارعا قاتىستى ەڭ قاتاڭ شارالار قابىلدانادى. مۇنى ۇكىمەت پەن قۇقىق قورعاۋ ورگاندارىنىڭ قاتاڭ باقىلاۋىنداعى ماڭىزدى ماسەلە دەپ ويلايمىن»، - دەپ جاۋاپ بەردى ەرالى توعجانوۆ.

بۇعان دەيىن ەرالى توعجانوۆ كوروناۆيرۋسقا قارسى وتاندىق ۆاكسينا سالعىزعانىن ايتقان ەدى.

سونىمەن بىرگە، وتاندىق «QazVac» ۆاكسيناسى ەل ازاماتتارىن قامتاماسىز ەتكەن سوڭ عانا كورشى ەلدەرگە جىبەرىلەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات