مەملەكەت باسشىسى بيىل ءداستۇرلى فورماتتا وتەتىن جاڭا وقۋ جىلىنا دايىندىق جاساۋدى تاپسىردى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ اقوردادا وتكەن جيىندا بيىل ءداستۇرلى فورماتتا وتەتىن جاڭا وقۋ جىلىنا دايىندىق جۇمىستارىن قازىردەن باستاپ قولعا الۋ قاجەت ەكەنىن ايتتى، دەپ حابارلايدى قازاقپارات.

مەملەكەت باسشىسى بيىل ءداستۇرلى فورماتتا وتەتىن جاڭا وقۋ جىلىنا دايىندىق جۇمىستارىن قازىردەن باستاپ قولعا الۋ قاجەت ەكەنىن ايتتى. ونىڭ ايتۋىنشا، كوپتەگەن ءبىلىم وردالارى ءبىر جىلدان استام ۋاقىت تولىققاندى جۇمىس ىستەمەدى.

بۇل رەتتە، قاسىم-جومارت توقايەۆ ۋنيۆەرسيتەتتەردىڭ، مەكتەپتەر مەن بالاباقشالاردىڭ ينفراقۇرىلىمدارىنىڭ دايىندىعىن، سونىمەن قاتار وقىتۋشىلار مەن تاربيەشىلەر شتاتىنىڭ جاساقتالۋ دەڭگەيىن تەكسەرۋدى تاپسىردى.

پرەزيدەنت جيىن سوڭىندا وڭىرلەردەگى احۋال ءۇشىن اكىمدەردىڭ وزدەرى جاۋاپ بەرەتىنىن ەسكە سالىپ، قوعامدىق-ساياسي تۇراقتىلىقتى جانە ورنىقتى دامۋدى قامتاماسىز ەتۋ ولاردىڭ تىكەلەي مىندەتى ەكەنىن اتاپ ءوتتى.

ەسكە سالايىق، بۇگىن اقوردادا مەملەكەت باسشىسى قاسىم-جومارت توقايەۆ اۋىل اكىمدەرىن سايلاۋ ماسەلەلەرى جونىندە كەڭەس وتكىزدى.