+7 (701) 759 90 19
12 °С : نۇر-سۇلتان
17 °С : الماتى
USD 423.91 EUR 497.37
RUB 5.82 CNY 65.59
جاڭالىقتار

قاسىم-جومارت توقايەۆ: جەمقورلىقپەن كۇرەستى كۇشەيتۋ كەرەك

23 ماۋسىم 19:59
:ءبولىسۋ
قاسىم-جومارت توقايەۆ: جەمقورلىقپەن كۇرەستى كۇشەيتۋ كەرەك

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ اقوردادا وتكەن جيىندا سىبايلاس جەمقورلىققا قارسى الدىن الۋ جۇمىستارىن كۇشەيتۋگە شاقىردى، دەپ حابارلايدى قازاقپارات.

مەملەكەت باسشىسىنىڭ ايتۋىنشا، بىلتىر ءارتۇرلى دەڭگەيدەگى 7 اكىم مەن ولاردىڭ ورىنباسارلارى، سونداي-اق، 14 وبلىستىق باسقارما باسشىسى مەن ولاردىڭ ورىنباسارلارى قىلمىستىق جاۋاپكەرشىلىككە تارتىلعان.

بۇدان بولەك 2020-جىلدىڭ قاڭتارىنان 2021-جىلدىڭ ناۋرىزىنا دەيىنگى ارالىقتا قاراماعىنداعى قىزمەتكەرلەرىنىڭ جەمقورلىققا قاتىسى بولعانى ءۇشىن 20 ساياسي قىزمەتكەرگە قاتىستى شارا قولدانىلدى.

قاسىم-جومارت توقايەۆ اكىمدەرگە ءوز ايماقتارىنداعى سىبايلاس جەمقورلىقتى بولدىرماۋ ءۇشىن جۇيەلى جۇمىستار جۇرگىزۋدى تاپسىردى. ال جەمقورلىققا قارسى كۇرەس قىزمەتى وزدەرىنە جۇكتەلگەن مىندەتكە سەرگەك قاراعانى ءجون.

«بۇعان دەيىن ايتقانىمداي، ەگەر مەملەكەتتىك قىزمەتشى بيۋجەت قارجىسىن جىمقىرۋدى نەمەسە پارا الىپ بايۋدى كوزدەمەي، شەشىم قابىلداۋ كەزىندە قاتەلىككە جول بەرگەن بولسا، وندا ول قىلمىستىق جاۋاپكەرشىلىككە تارتىلماۋى كەرەك. ايتپەسە، مەملەكەتتىك اپپاراتتىڭ بەرەكەسىن كەتىرەمىز. سىبايلاس جەمقورلىققا سانالى تۇردە بارعان شەنەۋنىك قىلمىستىق جاۋاپكەرشىلىككە تارتىلۋى ءتيىس»، - دەدى پرەزيدەنت.

ەسكە سالايىق، بۇگىن اقوردادا مەملەكەت باسشىسى قاسىم-جومارت توقايەۆ اۋىل اكىمدەرىن سايلاۋ ماسەلەلەرى جونىندە كەڭەس وتكىزدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات