ءۇندى شتامىنا دەنساۋلىق ساقتاۋ جۇيەسى دايىن با - الەكسەي سوي جاۋابى
مينيسترگە «ءۇندى شتامىنىڭ قاۋىپتى ەكەنىن ەسكەرسەك، ەلدەگى ەپيدەميولوگيالىق جاعدايدىڭ بولجامى قانداي؟» دەگەن سۇراق قويىلدى.
«ارينە، ءبىز بولجاۋمەن اينالىسامىز. ءۇندى شتامىنىڭ ەلدە قالاي تارالاتىنىن ءتۇسىنۋ وتە ماڭىزدى. نۇر-سۇلتاننان باسقا الماتىدا بۇل شتاممنىڭ ىقتيمال بەلگىلەرى پايدا بولدى. ءتىپتى ءبىر جاعداي انىقتالدى. سينحرونداۋ نەگىزىندە ءبىز ەل بويىنشا كەڭىرەك كورىنىستى كورە الامىز. جالپى دەنساۋلىق ساقتاۋ جۇيەسى رەاكتسيا بەرۋ بويىنشا قايتا قۇرىلدى. رەزەرۆتىك توسەك قورىن كەم دەگەندە ەكى ەسە كوپ ورنالاستىرۋعا بولادى. توسەك-ورىندار دايىن. دارىلىك زاتتار قويمالاردا ءۇش ايلىق قوردا بار، جەكە قورعانىس قۇرالدارى دا جەتكىلىكتى»، - دەدى ا. سوي ورتالىق كوممۋنيكاتسيالار قىزمەتىندە تىلشىلەر سۇراعىنا بەرگەن جاۋابىندا.
ونىڭ ايتۋىنشا، قازىر نۇر-سۇلتاندى قوسپاعاندا، كوپتەگەن وڭىرلەردە جاعداي تۇراقتى، ال ەلوردادا ەپيدەمياعا قارسى ءىس-شارالار جۇرگىزىلىپ جاتىر.