قازاقستاندىق دزيۋدوشى توكيو وليمپياداسىنا جولداما الدى

الماتى. قازاقپارات – 22-ماۋسىمدا حالىقارالىق دزيۋدو فەدەراتسياسى وليمپيادالىق رەيتينگكە سايكەس، توكيو وليمپاداسىنا جولداما العان دزيۋدوشىلار ءتىزىمىن جاريالادى، دەپ حابارلايدى Egemen.kz.

وعان سايكەس، شىمكەنت قالاسىنىڭ سپورتشىسى، وليمپيادا ويىندارىنىڭ قولا جۇلدەگەرى وتگونسەسەگ گالبادراح 48 كەلىدە ليتسەنزياعا يەلىك ەتتى. سپورتشى وليمپيادالىق رەيتينگتە ءتيىستى ۇپاي جيناعان.

وتگونسەسەگ گالبادراح - الەمدەگى ۇزدىك دزيۋدوشىلاردىڭ ءبىرى. كوپتەگەن حالىقارالىق تۋرنيرلەردىڭ جەڭىمپازى. الەم چەمپيوناتىنىڭ جانە وليمپيادا ويىندارىنىڭ قولا جۇلدەگەرى.

سونىمەن، شىمكەنت قالاسى سپورتشىلارىنىڭ قورجىنىندا 11 وليمپيادا جولداماسى بار.

ستەند اتۋ - سارسەنكۇل رىسبەكوۆا، زويا كراۆچەنكو

وق اتۋ - يۋري يۋركوۆ

بوكس - زاكير سافيۋللين

كاراتە - دارحان ءاسادىلوۆ، دانيار يۋلداشەۆ، سوفيا بەرۋلسەۆا

بايداركا جانە كانوەدا ەسۋ - سەرگەي جانە تيموفەي ەمەليانوۆتار

كوركەم گيمناستيكا - الينا ءادىلحانوۆا

دزيۋدو - وتگونسەسەگ گالبادراح