لوكداۋنعا جول بەرمەۋىمىز كەرەك - بەكشين
ونىڭ ايتۋىنشا، قالادا ەرەسەكتەر مەن بالالار كوشەدە جانە سكۆەرلەردە بەيقام جۇرەدى. ەشقانداي ساقتىق شارالارىن ساقتامايدى. بۇل كوروناۆيرۋس ينفەكسياسىنىڭ جاڭا تولقىنىن تۋدىرۋى مۇمكىن. بريفينگ بارىسىندا جانداربەك بەكشين جۋرناليستەردىڭ سۇراقتارىنا جاۋاپ بەرە كەلە قارقىندى ەپيدەميولوگيالىق جاعدايعا قاراماستان، جاڭا شتامداردىڭ اينالىمىنا بايلانىستى لوكداۋندى ەنگىزۋ جوسپارلانباعانىن ءمالىم ەتتى.
«بارلىعى ءبىزدىڭ تارتىپكە، ەپيدەمياعا قارسى شارالاردى ساقتاۋعا بايلانىستى. ارينە، جاڭا شتامداردىڭ انىقتالعانى تۋرالى اقپارات العانمەن، ءبىزدىڭ مەديتسينالىق مەكەمەلەر سىرقاتتانۋشىلىق كۇرت وسكەن جاعدايدا عانا دايىندىق جۇرگىزەدى»، - دەدى جانداربەك بەكشين.
«الماتىدا كوروناۆيرۋستىڭ ءۇشىنشى تولقىنى كەزىندە كوۆيدتىك ەمحانالاردا 6060 توسەك- ورىن بولدى. قازىر اۋرۋدىڭ ازايۋىنا بايلانىستى ولاردىڭ سانى 1700-گە دەيىن تومەندەدى. ىندەتتى جۇقتىرۋ ارتقان جاعدايدا ەمدەۋ مەكەمەلەرى قايتا باقىلاۋ جۇرگىزەدى»، - دەدى ول.
«بۇگىندە لوكداۋنعا قاتىستى ماسەلە تۇرعان جوق. «دەلتا» شتامىن جۇقتىرعان ءبىر جاعداي انىقتالدى. لوكداۋنعا جول بەرمەۋىمىز كەرەك. ول ءۇشىن بارلىق شەكتەۋ شارالارىن ساقتاۋ قاجەت»، - دەدى جانداربەك بەكشين.
الماتىنىڭ باس سانيتارلىق دارىگەرى قالا تۇرعىندارىن ەكپە الۋعا، سونداي- اق بەتپەردە رەجيمى مەن قوعامدىق ورىنداردا الەۋمەتتىك قاشىقتىقتى ساقتاۋعا شاقىردى.