جانداربەك بەكشين: «دەلتا» شتامىن كوبىنە جاستار جۇقتىرۋى مۇمكىن

الماتى. قازاقپارات - الماتىنىڭ باس سانيتار دارىگەرى جانداربەك بەكشين كوروناۆيرۋستىڭ جاڭا «دەلتا» شتامى تۋرالى ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، جاڭا «دەلتا» شتامىنىڭ بەلگىسى سۋىق تيۋ سيمپتومدارىنا ۇقساس.

«بۇل شتامدى كوبىنەسە جاستار جۇقتىرادى. باستى سيمپتومى - باس اۋرۋى، تۇماۋ، انگينا، جوعارى تەمپەراتۋرا. ءيىس سەزۋ قابىلەتى جوعالمايدى جانە جوتەل بولمايدى»، - دەدى جانداربەك بەكشين.

سونداي-اق ءىشتىڭ اۋىرۋى، قۇسۋ، تىنىس جولىنىڭ تارىلۋى مۇمكىن. جانداربەك بەكشين تەك ۆاكسينا عانا اۋرۋدى جۇقتىرماۋعا ءارى ءولىمدى ازايتۋعا سەپتىگىن تيگىزەتىنىن اتاپ ءوتتى. «بۇگىندە الماتىدا 386222 ادام ۆاكسينالاندى. وتكەن تاۋلىكتە كوروناۆيرۋسقا قارسى 5840 ادام ەكپە الدى. 60 جاستان جوعارى ەكپە العان ادام سانى - 49314. جاستار قورعانىس شارالارىنا جاۋاپكەرشىلىكپەن قاراپ، ۆاكتسينا الۋعا بارۋى كەرەك»، - دەدى ول.