الماتىدا ءۇندى شتامىنا بايلانىستى كارانتين كۇشەيتىلە مە

None
None
الماتى. قازاقپارات - الماتىنىڭ باس مەملەكەتتىك سانيتار دارىگەرى جانداربەك بەكشين ونلاين بريفينگ بارىسىندا ءۇندى شتامىنا بايلانىستى قالادا جاڭا شەكتەۋلەر ەنگىزىلۋى مۇمكىن ەكەنىن ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا بۇكىل جەردە ەنگىزىلەدى. ءبىراق ءبىز قازاقستاننىڭ باس مەملەكەتتىك سانيتاريا دارىگەرىنىڭ قاۋلىسىن كۇتىپ وتىرمىز. ءبارىمىز بىلەمىز، 22 ماۋسىمدا ۆەدومستۆوارالىق كوميسسيا باسشىسى باس سانيتار دارىگەرگە حالىققا قىزمەت كورسەتۋ سالاسىنداعى ادامدارعا مىندەتتى ۆاكتسينا سالۋعا قاتىستى شارا قابىلداۋدى تاپسىردى»، - دەدى ول.

جانداربەك بەكشين ءقاۋىپتى ىندەتتى جۇقتىرۋعا بولاتىن نەگىزگى ورىنداردى اتادى.

«قالا تۇرعىندارىنىڭ 28 پايىز - سۋپەر- گيپەرماركەتتەردە، 5 پايىز – س و س و مەن ساۋدا ۇيلەرىندە، 3 پايىز - ازىق- تۇلىك ساتپايتىن دۇكەندەردە جۇقتىرعان. قوعامدىق كولىكتە كوروناۆيرۋس جۇقتىرۋ ىقتيمالدىعى - 17 پايىز، بازاردا - 12 پايىز، تاماقتانۋ ورىندارىندا - 7 پايىز، ساياباقتار مەن جاياۋ جۇرگىنشىلەر كوشەسىندە ادامداردىڭ جينالۋى 4 پايىز بايقالادى»، - دەدى ول.

بۇل رەتتە جانداربەك بەكشين Ashyq نىساندارىندا جۇقتىرۋ جاعدايى تىركەلمەگەنىن ايتتى. الماتى قالاسىنىڭ سانيتار دارىگەرلەرى مەن ەپيدەميولوگتارىنىڭ ايتۋىنشا، قاۋىپتى ايماقتا 20-38 جاس ارالىعىنداعى تۇرعىندار تىركەلگەن. بۇل جاس توبىندا 38 پايىز ينفەكسيا تىركەلگەن، بۇل ولاردىڭ اراسىندا ەرىكتى ۆاكتسينالاۋ بەلسەندىلىگىنىڭ تومەندىگىن كورسەتەدى. 40 پەن 60 جاس ارالىعىنداعى الماتىلىقتاردىڭ 25 پايىزى دا ينفەكسياعا بەيىم، ال 70 جاستان اسقان ادامدار ىندەت جۇقتىرعانداردىڭ 20 پايىز قۇرايدى. سونىمەن قاتار، ول الماتىنىڭ «جاسىل» ايماققا ءوتۋى ءۇشىن حالىققا ەپيدەمياعا قارسى شارالاردى قاتاڭ ساقتاۋ قاجەت ەكەنىن اتاپ ءوتتى.

«بەتپەردەنى دۇرىس تاعۋ كەرەك، اسىرەسە قوعامدىق ورىندا، سونىڭ ىشىندە قوعامدىق كولىكتە الەۋمەتتىك قاشىقتىقتى ساقتاۋ كەرەك. ۇجىمدىق يممۋنيتەتتى قالىپتاستىرۋ ءۇشىن بەلسەندى تۇردە ۆاكتسينا الىڭىز. كوپشىلىك ءىس- شارالارعا، سونىڭ ىشىندە توي مەن باسقا دا وتباسىلىق مەرەكەلەرگە قاتىسپاۋ ءارى ۇيىمداستىرماۋ كەرەك. ەڭ باستىسى، ەپيدەميولوگيالىق احۋالدىڭ «قىزىل» ايماعىنداعى وڭىرلەرگە شىقپاعان ءجون»، - دەيدى الماتى قالاسىنىڭ باس سانيتار دارىگەرى.

اۆتور: الما مۇقانوۆا

سوڭعى جاڭالىقتار