داريعا نازاربايەۆا ۇكىمەت باسشىسىنان ينتەرنەتكە قاتىستى بىرنەشە سۇراققا جاۋاپ بەرۋدى سۇرادى
«2020 -جىلدىڭ ناتيجەلەرى بويىنشا مەملەكەت قازاقستان رەسپۋبليكاسى حالقىنىڭ %98,7 ينتەرنەت جەلىسىنە كەڭجولاقتى قولجەتىمدىلىكپەن قامتاماسىز ەتتى. بۇل سانداردىڭ دۇرىستىعىنا ساراپشىلار دا، حالىق تا كۇمان كەلتىرەدى. 510 اۋىلدىق ەلدى مەكەندە ينتەرنەتتىڭ تومەن جىلدامدىعى بايقالادى. سونىمەن قاتار، Nur Otan پارتياسىنىڭ «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن ىسكە اسىرۋ بويىنشا جول كارتاسىنىڭ 36-تارماعى اياسىندا قالالىق جانە اۋىلدىق مەكتەپتەردىڭ ءبىلىم ساپاسىنداعى الشاقتىعىن ازايتۋ ءۇشىن 2025 -جىلعا قاراي %100 كورسەتكىشكە قول جەتكىزە وتىرىپ، 2021 -جىلى اۋىل مەكتەپتەرىنىڭ %80 جوعارى جىلدامدىقتى ينتەرنەتپەن قامتاماسىز ەتۋ قاجەتتىلىگى اتاپ ءوتىلدى»، - دەپ توقتالدى د. نازاربايەۆا.
ول ينتەرنەتتىڭ تومەن جىلدامدىعىنىڭ سەبەبى رەتىندە قازاقستان رەسپۋبليكاسىنىڭ سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى اۋىلدىق ەلدى مەكەندەردى ينتەرنەتپەن قامتاماسىز ەتۋ ءۇشىن قوسىمشا قوسىلۋلاردى پايدالانۋ قاجەتتىگىن ايتتى.
«وسىعان بايلانىستى ءتيىستى سۇراقتارعا جاۋاپ بەرۋىڭىزدى سۇرايمىن. اۋىلدىق ەلدى مەكەندەردە ينتەرنەت جەلىسىنە قولجەتىمدىلىكتى قامتاماسىز ەتۋدىڭ ناقتى تەحنولوگياسىن قولدانۋ تۋرالى شەشىم قالاي قابىلدانادى جانە وسى تەحنولوگيالاردىڭ ايىرماشىلىعى نەدە؟ بايلانىس وپەراتورلارى اۋىلدىق ەلدى مەكەندەردەگى «سوڭعى ميليا» ماسەلەسىن قالاي شەشەدى جانە شەشىمنىڭ قانداي ءتاسىلى نەعۇرلىم ءتيىمدى بولىپ وتىر؟ قازىرگى زامانعى تەحنولوگيالار ەنگىزىلەدى مە جانە سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى نەمەسە قازاقستان رەسپۋبليكاسىنىڭ وزگە دە مەملەكەتتىك ورگانى «سوڭعى ميليانى» قوسۋدىڭ قانداي دا ءبىر ءتۇرىنىڭ ماقساتتىلىعىن ايقىنداۋعا قاتىسا ما؟ اۋىلدىق ەلدى مەكەندەردە ينتەرنەتكە قوسىلۋ ساپاسىن تۇراقتى نەگىزدە ولشەۋ جۇرگىزىلە مە جانە بۇل ماسەلە قازاقستان رەسپۋبليكاسىنىڭ قانداي مەملەكەتتىك ورگانىنىڭ قۇزىرەتىندە تۇر؟»، - دەدى دەپۋتات.
اۆتور: رۋسلان عابباسوۆ