الماتىدا ءۇندى شتامى اينالىمدا ءجۇرۋى مۇمكىن - ءسادۋاقاس بايعابىلوۆ

الماتى. قازاقپارات - الماتىدا كوروناۆيرۋستىڭ «ءۇندى» شتامى تابىلدى دەگەن قاۋىپ انىقتالدى، دەپ حابارلايدى قازاقپارات ءتىلشىسى.

بۇل تۋرالى الماتى قالاسى سانيتارلىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ءسادۋاقاس بايعابىلوۆ ءمالىم ەتتى.

«الدىن الا دەرەكتەر بويىنشا، ونىڭ قالا بويىنشا اينالىم ىقتيمالدىعى انىقتالدى. تولىق گەنومدىق زەرتتەۋ ءۇشىن قوسىمشا ۋاقىت قاجەت»، - دەدى ءسادۋاقاس بايعابىلوۆ.

بۇعان دەيىن ق ر دەنساۋلىق ساقتاۋ ءمينيسترى الەكسەي توي ەلوردادا كوروناۆيرۋستىڭ ءۇندى شتاممى انىقتالعانىن ايتقان بولاتىن.

ءمينيستردىڭ ايتۋىنشا، بۇل مۋتاتسيانى جۇقتىرعاندارعا بۋىندار مەن ءىشتىڭ قاتتى اۋرۋى، ەستۋ قابىلەتىن جوعالتۋ سىندى قوسىمشا سيمپتومدار ءتان بولىپ وتىر.