ءبىز كاسىبي جانە ءتيىمدى مەملەكەتتىك اپپارات قۇرىپ جاتىرمىز: پرەزيدەنت مەملەكەتتىك قىزمەتشىلەردى قۇتتىقتادى
«بۇگىن - مەملەكەتتىك قىزمەتشى كۇنى. ەلىمىزدىڭ مەملەكەتتىك باسقارۋ جۇيەسىندە قىزمەت ەتەتىن ازاماتتاردى وسى مەرەكەمەن قۇتتىقتايمىن! ءبىز كاسىبي جانە ءتيىمدى مەملەكەتتىك اپپارات قۇرىپ جاتىرمىز. بۇل ماڭىزدى مىندەتتى جۇزەگە اسىرۋعا سىزدەردىڭ ءارقايسىڭىز ۇلەس قوسادى دەپ سەنەمىن» دەپ جازدى مەملەكەت باسشىسى Twitter پاراقشاسىندا.
ەسكە سالا كەتەيىك، 2014 -جىلدان بەرى 23-ماۋسىم ەلىمىزدە مەملەكەتتىك قىزمەتشى كۇنى رەتىندە اتاپ ءوتىلىپ كەلەدى. بۇل اتاۋلى كۇننىڭ تاريحى ХХІ عاسىردان باستاۋ الادى. 2003 -جىلدىڭ ناۋرىزىندا ب ۇ ۇ باس اسسامبلەياسى 23 - ماۋسىمدى مەملەكەتتىك قىزمەت كۇنى دەپ جاريالاعان قارار قابىلداعان بولاتىن. اراعا 10 جىل سالىپ، تۇڭعىش پرەزيدەنت - ەلباسى نۇرسۇلتان نازاربايەۆتىڭ جارلىعىمەن 2013 -جىلى 23 - ماۋسىم بىزدە دە مەملەكەتتىك قىزمەتشىلەر كۇنى بولىپ بەكىتىلدى.