اقتوبە وبلىسىندا جىلقىنىڭ سانى ەكى ەسە كوبەيدى
مال سانى دا ايتارلىقتاي كوبەيگەن. ناقتىراق ايتساق ءىرى قارا باسى 633 مىڭعا جەتىپ، جىلقى ەكى ەسە كوبەيگەن. اعىمداعى جىلى اقتوبەلىك شارۋالاردى قولداۋعا 22 جارىم ميلليارد تەڭگە ءبولىندى. ونىڭ 16 ميللياردى جەرگىلىكتى بيۋدجەتتەن جۇمسالعان. وسى ارقىلى وڭىردە جەم- ءشوپ باعاسى تۇراقتالىپ، جاڭا تەحنيكا العاندارعا سۋبسيديا بەرىلدى. قازىر مۇندا مال باسى كوبەيگەن.
وڭداسىن ورازالين اقتوبە وبلىسىنىڭ اكىمى:
- مال ازىعىن دايىنداۋعا، جاڭا تەحنيكا الۋعا رەسپۋبليكا كولەمىندە 25 پروتسەنت بولسا، ءبىز ونىڭ ۇستىنە 10 پروتسەنت قوسىپ وسىنداي جەڭىلدەتىلگەن تۇردە الۋعا ءبىراز قاراجات بولدىك. وسىنداي ىنتالاندىرۋدىڭ ارقاسىندا مالدىڭ سانىن 30 جىلدىڭ ىشىندە جىلقىنىڭ سانى دا ءوسىپ كەتتى ەكى ەسە، ءىرى قارا مالدىڭ سانى دا وسۋدە. مىنا ىنتالاندىرۋ كولەڭكەدەگى مالدى شىعارۋعا دا اسەرى بولدى تىكەلەي. سەبەبى ەسەپتە جوق جىلقىلار مەن قويدىڭ سانى ءبىر جىلدىڭ ىشىندە ءوسىپ قالعانىن بايقالدىق.
وبلىستا شاعىن جانە ورتا بيزنەس دامىپ كەلەدى. كاسىپكەرلىك سۋبەكتىلەرىنىڭ سانى بىلتىرعىمەن سالىستىرعاندا 5 پروتسەنتكە كوبەيدى. شامامەن 1200 جوبا مەملەكەتتەن قولداۋ العان. وسى ماقساتقا 7 ميلليارد تەڭگە جۇمسالادى. قازىر شاعىن جانە ورتا بيزنەستىڭ ءوڭىر ەكونوميكاسىنداعى ۇلەسى 24 پروتسەنتكە تەڭ. جىل سوڭىنا دەيىن 25 كە جەتكىزۋ جوسپارى بار.
وڭداسىن ورازالين اقتوبە وبلىسىنىڭ اكىمى:
- قاراپايىم زاتتار ەكونوميكاسى اياسىندا 12,7 ميلليارد تەڭگە نەسيە سوماسىنا 14 جوبا ماقۇلداندى. ەڭبەك باعدارلاماسى اياسىندا 1,2 ميلليارد تەڭگڭگڭ 227 جوبا ماقۇلداندى. جىل سوڭىنا دەيىن شاعىن جانە ورتا بيزنەستىڭ 3 مىڭ 300 سۋبەكتىسى مەملەكەتتىك قولداۋ شارالارىمەن قامتۋ جوسپارلانۋدا. سونىمەن بىرگە توتەنشە جاعدايلار كەزىندە زارداپ شەككەن كاسىپكەرلىك سۋبەكتىلەرىن قوسىمشا قولداۋ ءۇشىن جەڭىلدەتىلگەن نەسيەلەۋ باعدارلاماسى اياسىندا قۇنى 35 ميلليارد تەڭگەنى قۇرايتىن 150 جوبا ماقۇلداندى.
بيىل اقتوبەلىكتەر ءۇشىن وزەكتى بولىپ وتىرعان كولدەردىڭ دە ماسەلەسى شەشىلۋگە ءتيىس. قالا ماڭىنداعى سۋ ايدىندارىنىڭ تابانىن تازالاپ، توعانداردى جوندەۋگە ۇكىمەت بيۋدجەتىنەن 3 ميلليارد تەڭگە ءبولىندى. مەردىگەر كومپانيا ىسكە كىرىسكەن. ەگەر مەجەلى ۋاقىتتا جۇمىس اياقتالسا كەلەر جىلى كوكتەمدە قار سۋىن سۋىن مولىراق جيناپ، سۋ تاپشىلىعى ماسەلەسى شەشىلمەك.
www.24.kz