الەمنىڭ «ءبۇرتۇرلى» زاڭدارى

نۇر-سۇلتان. قازاقپارات - ماسساگەت پورتالى «الەمدە تالاي قىزىق بار» ايدارى ارقىلى الەمنىڭ ءار بۇرىشىندا، ءار تۇكپىرىندە جاسىرىنعان تالاي قىزىقتى بۇدان بۇرىن دا بولىسكەن بولاتىن.

بۇگىن تاعى دا الەمنىڭ عاجاپ قىزىقتارىن اڭگىمەلەيمىز.

♦ اۋستراليادا قالادا قارا كيىم كيۋگە تىيىم سالىنادى. ءتىپتى، بەتمەن كوستيۋمىن كيۋگە دە رۇحسات جوق.

♦ مەكسيكادا بىرەۋدىڭ مۇرتىنا كۇلۋگە بولمايدى. ءتىپتى ول سۋرەتتە بولسا دا...

♦ مونتانادا ايەلى كۇيەۋىنە كەلگەن پوشتا حابارلاماسىن نەمەسە حاتتى جاسىرعانى ءۇشىن جاۋاپقا تارتىلادى؛

♦ ينديانا شتاتىندا سارىمساق جەگەن ازامات ءتورت ساعاتقا دەيىن قوعامدىق كولىكتە جۇرە المايدى. مادەني دەمالىس ورىندارىنا بارۋعا تىيىم سالىنادى؛

♦ اركانزاس شتاتىندا ساعات التىدان كەيىن ءيت ۇرۋگە تىيىم سالىنعان؛

♦ بيرمادا ۇيدە زاڭسىز كومپيۋتەر ۇستايتىن ادام 15 جىلعا دەيىن باس بوستاندىعىنان ايىرىلۋى مۇمكىن؛

♦ جاپونيادا يمپەراتوردىڭ بۇيرىعىمەن 1603-جىلدان باستاپ ءجۇزۋ ءپان رەتىندە مەكتەپ وقۋلىقتارىنا ەنگىزىلگەن؛

♦ يتاليادا يۋبكا كيگەن ەر ادام قاماۋعا الىنادى، ال شوتلانديادا ەرلەردىڭ يۋبكا كيۋىنە رۇقسات بەرىلگەن؛

♦ فرانسيادا شوشقانى «ناپولەون» دەپ اتاۋعا بولمايدى؛

♦ سينگاپۋر كوشە تازالىعى بويىنشا الەمدە ءبىرىنشى ورىندا. كوشەگە قوقىس تاستايتىن كەز كەلگەن ادام (ءتىپتى قاراپايىم قاعازدىڭ ءبىر بولىگى) 600 دوللار ايىپپۇل تولەيدى. سوندىقتان دا بۇل جەردە ساعىز ساتۋعا تىيىم سالىنعان. بۇل ەلگە ساعىزدى ساتۋ ءۇشىن الىپ كەلەتىندەر 5500 دوللار ايىپپۇل تولەيدى نەمەسە 1 جىلعا باس بوستاندىعىنان ايرىلادى؛

♦ دجوليتتە (يللينويس شتاتى) دۇكەنگە كىرىپ، التىدان استام كويلەك كيىپ كورگەن ايەل قاماۋعا الىنادى؛

♦ الەمدەگى العاشقى اۆتورلىق قۇقىق تۋرالى زاڭ 1710-جىلى انگليادا پايدا بولدى؛

♦ الەمدە العاش رەت 1151-جىلى يسلانديادا وبا مەن ورتتەن ساقتاندىرۋ جۇزەگە اسىرىلدى؛

♦ ۆاشينگتوندا سالىنىپ جاتقان عيماراتتار ۆاشينگتون ەسكەرتكىشىنەن بيىك ەمەس. قالادا مۇنداي زاڭ جوق بولسا دا عيمارات سالۋشىلار وسىنداي ءداستۇردى ۇستانادى؛

♦ شۆەيتساريادا وردەن مەن مەدال جوق. وسىلايشا ولار ءوز ازاماتتارىن زاڭ بويىنشا تەڭ كورەتىنىن دالەلدەۋگە تىرىسادى؛

♦ كەمبريدج زاڭى بويىنشا كوشەدە تەننيس ويناۋعا قاتاڭ تىيىم سالىنادى؛

♦ ۋرۋگۆايدا 1992-جىلعا دەيىن دۋەلگە رۇقسات ەتىلگەن؛

♦ شۆەتسيادا ءيت يەسى بويىنا قاراي سالىق تولەسە، نورۆەگيادا ءيتتىڭ ۇزىندىعىنا بايلانىستى سالىق الىنادى؛

♦ زامبيا زاڭى بويىنشا تۋريستەرگە پيگمي (قىسقا) ادامداردى سۋرەتكە تۇسىرۋگە تىيىم سالىنادى.