نۇر-سۇلتاندا ۆاكسينا العاندار جاڭا اۆتوكولىك ۇتىسىنا قاتىسادى

None
None
نۇر-سۇلتان. قازاقپارات - ەلوردا اكىمدىگى مەن MEGA Silk Way ساۋدا ورتالىعى «ۆاكسينا ال - ماشينا ۇتىپ ال» اكسياسىن باستادى، دەپ حابارلايدى قازاقپارات.

23 - ماۋسىم مەن 31 - تامىز ارالىعىندا «MEGA Silk Way» ساۋدا جانە ويىن-ساۋىق ورتالىعىندا COVID-19 ۆاكسيناسىنىڭ ءبىرىنشى كومپونەنتىن الاتىن قازاقستاندىقتار Hyundai Accent اۆتوكولىگى ۇتىسىنا قاتىسا الادى.

فينالدىق ۇتىس ويىنى 5 - قىركۇيەكتە Instagram-داعى «MEGA Silk Way» رەسمي اككاۋنتىنىڭ تىكەلەي ەفيرىندە وتەدى. سونىمەن قاتار، اپتا سايىن 23 - ماۋسىمنان 31 - تامىزعا دەيىن ارالىق سىيلىقتار - تۇرمىستىق تەحنيكا، ساۋدا سەرتيفيكاتتارى جانە تاعى باسقالار ويناتىلادى.

«بۇل اكسيانىڭ ماقساتى - قازاقستاندا ۆاكسينالاۋ قارقىنىن ىنتالاندىرۋ، ويتكەنى ۆاكسينا - COVID-19 دان جالعىز ءتيىمدى قورعانىس. مۇنداي اكسيالار ءار ءتۇرلى ەلدەردە ءساتتى ءوتىپ جاتىر، جاقىندا ۆاكسينا العاندار اراسىندا پولشا، تايلاند، ا ق ش، رەسەي، موڭعوليا، سەربيا، يندونەزيا، قىتاي، ۆەنگريا، يزرايل جانە ت. ب. ۇكىمەتتەرى اۆتوكولىك ۇتىس ويىندارىن وتكىزە باستادى»، - دەپ جازدى نۇر-سۇلتان قالاسىنىڭ اكىمدىگى.

«ۆاكسينا ال - ماشينا ۇتىپ ال» اكسياسى تۋرالى تولىق اقپاراتتى mega.kz سايتىنان جانە MEGA- نىڭ الەۋمەتتىك جەلىلەردەگى رەسمي اككاۋنتتارىنان الۋعا بولادى. بۇدان باسقا، «ازيا پارك»، «Mega Silk Way»، «سارىارقا»، «ءابۋ-دابي پلازا»، «كەرۋەن»، «ەۋرازيا» ساۋدا ورتالىقتارىندا تۇرمىستىق جانە كومپيۋتەرلىك تەحنيكا تۇرىندەگى باعالى سىيلىقتار ويناتىلادى جانە جەڭىلدىك كۋپوندارى بەرىلەدى. سونداي-اق، بۇل اكسياعا «مەچتا» ەلەكترونيكا جانە تۇرمىستىق تەحنيكا دۇكەندەرىنىڭ ساۋدا جەلىسى قوسىلادى.

سوڭعى جاڭالىقتار