وڭتۇستىك وڭىردەگى مۇناي ونىمىنە قاتىستى جاعداي تاياۋ كۇندەرى تۇراقتانادى - مينيسترلىك

نۇر-سۇلتان. قازاقپارات - تاياۋ كۇندەرى وڭتۇستىك وڭىرلەردە مۇناي ونىمدەرىنە قاتىستى جاعداي تۇراقتانادى.

بۇل تۋرالى ق ر ەنەرگەتيكا ۆيتسە-ءمينيسترى اسەت ماعاۋوۆ ءمالىم ەتتى، دەپ حابارلايدى قازاقپارات ءتىلشىسى.

«13- ماۋسىمنان باستاپ شىمكەنت مۇناي وڭدەۋ زاتىندا بەنزين ءوندىرىسى تەحنولوگيالىق رەجيمگە شىقتى، سوڭعى 5 كۇندە ورتاشا تاۋلىكتىك ءوندىرۋ 6,5 مىڭ توننانى قۇرادى. ديزەل وتىنىنىڭ ءوندىرىسى قالپىنا كەلتىرىلدى، سوڭعى 4 كۇندە ورتاشا تاۋلىكتىك ءوندىرۋ 6 مىڭ توننانى قۇرادى. ءوندىرىستىڭ بۇل كولەمى وڭتۇستىك ءوڭىردىڭ قاجەتتىلىكتەرىن جاۋىپ تۇر»، - دەپ توقتالدى ماعاۋوۆ ورتالىق كوممۋنيكاتسيالار قىزمەتىندە.

ونىڭ ايتۋىنشا، ەلىمىزدىڭ وڭتۇستىك وڭىرلەرىندە مۇناي ونىمدەرىن تاۋلىكتىك تۇتىنۋ: اي-92 بەنزينى بويىنشا 5,31 مىڭ توننانى، ال ديزەل وتىنى بويىنشا 5,6 مىڭ توننانى قۇرايدى.

«سونىمەن قاتار، جونەلتىپ تيەۋگە قاتىستى شىمكەنت مۇناي وڭدەۋ زاتىنىڭ لوگيستيكالىق قيىندىقتارى بولدى. سوڭعى كۇندەرى وندىرىلگەن مۇناي ونىمدەرىنىڭ تەك جارتىسىن عانا جونەلتۋ مۇمكىن بولعان. «ق ت ج» - ا ق- بىرلەسىپ ءتيىستى كونسۋلتاتسيالار جۇرىگىلىپ، وتىندى جونەلتۋ كولەمى قالپىنا كەلتىرىلدى.

الداعى كۇندەرى تەمىر جولمەن 4,3 مىڭ توننا بەنزين مەن 4,2 مىڭ توننا ديزەل وتىنى وڭتۇستىك وڭىرلەرگە جونەلتىلمەك. بۇعان قوسا، شىمكەنت مۇناي بازاسى ارقىلى قۇبىرمەن 1,2 مىڭ توننادان بەنزين مەن ديزەل وتىنى باعىتتالادى. وسىدان كەيىن اۆتوموبيل كولىگىمەن جانار- جاعارماي قۇيۋ ستانتسيالارى جۇيەلەرىنە تاراتىلادى. بۇل قادامدار تاياۋ كۇندەرى جاعدايدى تۇراقتاندىرۋعا مۇمكىندىك بەرەدى»، - دەدى ۆيتسە-مينيستر.

2021-جىلدىڭ 5 ايىنىڭ قورىتىندىسى بويىنشا مۇناي وڭدەۋ كولەمى ەلىمىزدە 6,7 ميلليون توننانى قۇرادى. مۇنىمەن قوسا ول بۇعان دەيىن اتىراۋ مۇناي وڭدەۋ زاۋىتىندا ەلەكتر ەنەرگياسىن جەتكىزۋدەگى اقاۋعا بايلانىستى ءتيىستى ىركىلىستەر بولعانىن ەسكە سالدى.

جالپى، وتكەن جىلمەن سالىستىرعاندا فيزيكالىق كولەم يندەكسى مۇناي وڭدەۋ بويىنشا 109,5 پايىزدى قۇرادى. 1 ميلليون 853 مىڭ توننا بەنزين، 1 ميلليون 879 مىڭ توننا ديزەل وتىنى شىعارىلدى.