+7 (701) 759 90 19
21 °С : نۇر-سۇلتان
28 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

اقمولا وبلىسىنىڭ «ۇزدىك مەملەكەتتىك قىزمەتشىسى» انىقتالدى

22 ماۋسىم 20:34
:ءبولىسۋ
اقمولا وبلىسىنىڭ «ۇزدىك مەملەكەتتىك قىزمەتشىسى» انىقتالدى

كوكشەتاۋ. قازاقپارات - اقمولا وبلىسىنىڭ «ۇزدىك مەملەكەتتىك قىزمەتشى - 2021» وبلىستىق بايقاۋىنىڭ قورىتىندىسى جاريالاندى، دەپ حابارلايدى قازاقپارات ءتىلشىسى.

بايقاۋ شارتى بويىنشا قاتىسۋشىلار مەملەكەتتىك قىزمەتتەگى ءوز جۇمىسى، وتباسى، قىزىعۋشىلىقتارى، ومىرلىك قۇندىلىقتارى مەن كاسىبي قاسيەتتەرى تۋرالى بەينەپرەزەنتاتسيا دايىندادى. سونداي-اق، قاتىسۋشىلار ءتۇرلى شىعارماشىلىق جانرلاردا وزدەرىن كورسەتە بىلگەن شىعارماشىلىق بايقاۋدا باق سىناستى.

بايقاۋدىڭ تاعى ءبىر شارتى ەسسە جازۋ بولدى. كوكشەتاۋ قالاسىنىڭ جۇمىسپەن قامتۋ جانە الەۋمەتتىك باعدارلامالار ءبولىمىنىڭ ۇيىمداستىرۋ - باقىلاۋ سەكتورىنىڭ باس مامانى ايتولقىن بولات قىزى «ۇزدىك مەملەكەتتىك قىزمەتشى-2021» بايقاۋىنىڭ جەڭىمپازى بولىپ تانىلدى.

«ۇزدىك پرەزەنتاتسيا» اتالىمىندا اتباسار اۋدانى اكىمى اپپاراتىنىڭ اقپاراتتىق قامتاماسىز ەتۋ جانە مەملەكەتتىك قىزمەت كورسەتۋ ءبولىمىنىڭ باس مامانى گۇلدان بايكەنوۆا، «ونەرلى ورگە جۇزەر» نوميناتسياسىندا جارقايىڭ اۋدانىنىڭ مادەنيەت جانە تىلدەردى دامىتۋ ءبولىمىنىڭ باس مامانى نازيرا شپانوۆا، «تاۋەلسىزدىك - مەن ءۇشىن» تاقىرىبىنداعى ۇزدىك ەسسە» اتالىمىندا اقكول اۋداندىق قۇرىلىس ءبولىمىنىڭ باس مامانى ايجان نوكەربەكوۆا ماراپاتتالدى.

بۇل ءىس-شارا مەملەكەتتىك قىزمەتشىلەردىڭ يميدجىن كوتەرۋدە ەرەكشە ماڭىزعا يە، نەعۇرلىم باستاماشىل جانە تالانتتى مەملەكەتتىك قىزمەتشىلەردى انىقتاۋعا جانە كوتەرمەلەۋگە ىقپال ەتەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات