ۆەدومستۆوارالىق كوميسسيا قازاقستاندا كارانتين تالاپتارىن كۇشەيتۋدى ۇسىندى

نۇر-سۇلتان. قازاقپارات - بۇگىن ق ر پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن ق ر اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆ ا ك) وتىرىسى ءوتتى، دەپ حابارلايدى قازاقپارات.

نۇر-سۇلتان قالاسىندا «دەلتا» («ءۇندى») شتاممىنا ءتان COVID-19 مۋتاتسياسىنىڭ انىقتالۋىنا بايلانىستى ۆەدومستۆوارالىق كوميسسيا ق ر باس مەملەكەتتىك سانيتار دارىگەرىنە كارانتيندىك رەجيم بويىنشا مىناداي قوسىمشا شارالار قابىلداۋدى ۇسىندى:

- COVID-19 عا قارسى ۆاكسيناسىز (تۇراقتى مەديتسينالىق قارسى كورسەتىلىمدەرى بار جانە اۋىرىپ شىققان ادامداردى قوسپاعاندا) قىزمەت كورسەتۋ سالاسىنىڭ قىزمەتكەرلەرى، ءىرى ۇيىمداسقان ۇجىمدار (ونەركاسىپتىك كاسىپورىندار) ءۇشىن جۇمىسقا كىرۋگە شەكتەۋ ەنگىزۋ)؛

- ك ۆ ي- عا قارسى ۆاكسينا الۋدان باس تارتاتىن (ك ۆ ي- عا قارسى ۆاكسينالاۋعا مەديتسينالىق قارسى كورسەتىلىمى جوق ازاماتتار) قىزمەت كورسەتۋ سالاسىنىڭ، ونەركاسىپ كاسىپورىندارىنىڭ جانە وزگە دە ۇيىمداسقان ۇجىمداردىڭ قىزمەتكەرلەرى ءۇشىن مىندەتتى پ ت ر- تەستىلەۋ تالابىن ەنگىزۋ؛

- «Ashyq» جوباسىنا جاڭا كاسىپكەرلىك سۋبەكتىلەرىن قوسۋ ءۇشىن، سونداي-اق جوبا اياسىندا جۇمىس ىستەپ تۇرعان سۋبەكتىلەردىڭ جۇمىسىن ودان ءارى جالعاستىرۋ ءۇشىن بارلىق پەرسونالدى (تۇراقتى مەديتسينالىق قارسى كورسەتىلىمدەرى بار جانە اۋىرىپ شىققان ادامداردى قوسپاعاندا) ۆاكسينالاۋ قاجەتتىلىگى جونىندە تالاپ ەنگىزۋ؛

- «Ashyq» جوباسىنا ساۋدا، ويىن-ساۋىق ورتالىقتارىن، ساۋدا ۇيلەرى مەن ازىق-تۇلىكتىك ەمەس بازارلاردى قوسۋ. سونداي-اق، دەنساۋلىق ساقتاۋ مينيسترلىگىنىڭ نۇر-سۇلتان قالاسى بويىنشا كارانتيندىك رەجيمدى كۇشەيتۋ جونىندەگى ۇسىنىسى قولداۋ تاپتى:

- سەنبى جانە جەكسەنبى كۇندەرى جۇمىس ىستەۋگە تىيىم سالا وتىرىپ، جۇمىس كۇندەرى ساعات 17:00 گە دەيىن ازىق-تۇلىك ەمەس تاۋارلاردى ساتاتىن ساۋدا ويىن-ساۋىق ورتالىقتارىنىڭ، ساۋدا ورتالىقتارىنىڭ، ساۋدا جەلىلەرىنىڭ جۇمىس رەجيمىن شەكتەۋ (وسى وبەكتىلەردە COVID-19 عا قارسى جاپپاي ۆاكسينالاۋ پۋنكتتەرىنىڭ ورنالاسۋىنا قاراماستان)؛

- سەنبى جانە جەكسەنبى كۇندەرى جۇمىس ىستەۋگە تىيىم سالا وتىرىپ، ساعات 7.00-20.00 ارالىعىندا عيمارات ىشىندەگى قوعامدىق تاماقتانۋ وبەكتىلەرىنىڭ (مەيرامحانالار، ءدامحانالار، بارلار، اسحانالار) جۇمىسىن شەكتەۋ، اشىق اۋادا ساعات 7.00-22.00 ارالىعىندا شەكتەۋ («Ashyq» جوباسىنا قاتىساتىن وبەكتىلەردى قوسپاعاندا» )؛

- جابىق ازىق-تۇلىكتىك ەمەس بازارلاردىڭ جۇمىسىن دەمالىس كۇندەرى جۇمىس ىستەۋگە تىيىم سالا وتىرىپ، ساعات 10.00 دەن 20.00 گە دەيىن شەكتەۋ (وسى وبەكتىلەردە COVID-19 عا قارسى جاپپاي ۆاكسيناتسيالاۋ پۋنكتتەرىنىڭ ورنالاسۋىنا قاراماستان)؛

- سانيتارلىق تالاپتاردى ساقتاي وتىرىپ، 100 ادامنان اسسا، اشىق اۋادا جاپپاي ءىس-شارالار وتكىزۋگە تىيىم سالۋ (ءدىني، سپورتتىق جانە ت. ب.) سونىمەن قاتار ە. توعجانوۆ ورتالىق مەملەكەتتىك ورگاندارعا، اكىمدىكتەرگە شتاممنىڭ جوعارى كونتاگيوزدىلىعىن ەسكەرە وتىرىپ، «دەلتا» شتامىنىڭ تارالۋىنىڭ الدىن الۋ بويىنشا بارلىق شارالاردى قابىلداۋدى تاپسىردى.

دەنساۋلىق ساقتاۋ مينيسترلىگىنە اكىمدىكتەرمەن بىرلەسىپ، وسى جىلعى 28- ماۋسىمعا دەيىن رەزەرۆتىك قورلارداعى توسەك قورىنا، كادرلىق قامتاماسىز ەتۋگە، ءدارى-دارمەكتەردىڭ جەتكىلىكتىلىگىنە تەكسەرۋ جۇرگىزۋ تاپسىرىلدى.

قورىتىندىلاي كەلە، پرەمەر-ءمينيستردىڭ ورىنباسارى حالىقتى كوروناۆيرۋسقا قارسى ۆاكسينامەن قامتۋدى ۇلعايتۋ قاجەتتىگىن اتاپ ءوتتى.

ەسكە سالايىق، بۇگىن ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي ەلوردادا كوروناۆيرۋستىڭ «ءۇندى» شتامى انىقتالعانىن ءمالىم ەتتى.