كوروناۆيرۋس: ەلوردادا دەمالىس كۇندەرى ساۋدا ورتالىقتارى جۇمىس ىستەمەيدى

نۇر-سۇلتان. قازاقپارات - ق ر اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆ ا ك) وتىرىسىندا نۇر-سۇلتان قالاسىندا كارانتيندى كۇشەيتۋ جونىندەگى ۇسىنىس قولداۋ تاپتى.

اتاپ ايتقاندا، سەنبى جانە جەكسەنبى كۇندەرى جۇمىس ىستەۋگە تىيىم سالا وتىرىپ، جۇمىس كۇندەرى ساعات 17:00 گە دەيىن ازىق-تۇلىك ەمەس تاۋارلاردى ساتاتىن ساۋدا ويىن-ساۋىق ورتالىقتارىنىڭ، ساۋدا ورتالىقتارىنىڭ، ساۋدا جەلىلەرىنىڭ جۇمىس رەجيمىن شەكتەۋ (وسى وبەكتىلەردە COVID-19 عا قارسى جاپپاي ۆاكسينالاۋ پۋنكتتەرىنىڭ ورنالاسۋىنا قاراماستان)؛

سەنبى جانە جەكسەنبى كۇندەرى جۇمىس ىستەۋگە تىيىم سالا وتىرىپ، ساعات 7.00-20.00 ارالىعىندا عيمارات ىشىندەگى قوعامدىق تاماقتانۋ وبەكتىلەرىنىڭ (مەيرامحانالار، ءدامحانالار، بارلار، اسحانالار) جۇمىسىن شەكتەۋ، اشىق اۋادا ساعات 7.00-22.00 ارالىعىندا شەكتەۋ («Ashyq» جوباسىنا قاتىساتىن وبەكتىلەردى قوسپاعاندا»)؛

جابىق ازىق-تۇلىكتىك ەمەس بازارلاردىڭ جۇمىسىن دەمالىس كۇندەرى جۇمىس ىستەۋگە تىيىم سالا وتىرىپ، ساعات 10.00-دەن 20.00 گە دەيىن شەكتەۋ (وسى وبەكتىلەردە COVID-19-عا قارسى جاپپاي ۆاكتسينالاۋ پۋنكتتەرىنىڭ ورنالاسۋىنا قاراماستان)؛

سانيتارلىق تالاپتاردى ساقتاي وتىرىپ، 100 ادامنان اسسا، اشىق اۋادا جاپپاي ءىس-شارالار وتكىزۋگە تىيىم سالۋ (ءدىني، سپورتتىق جانە ت. ب.) سونىمەن قاتار ە. توعجانوۆ ورتالىق مەملەكەتتىك ورگاندارعا، اكىمدىكتەرگە شتاممنىڭ جوعارى كونتاگيوزدىلىعىن ەسكەرە وتىرىپ، «دەلتا» شتامىنىڭ تارالۋىنىڭ الدىن الۋ بويىنشا بارلىق شارالاردى قابىلداۋدى تاپسىردى.

ەسكە سالساق، ەلوردادا كوروناۆيرۋستىڭ ءۇندى شتاممى انىقتالدى.