13:46, 22 - ماۋسىم 2021 | GMT +6
قازاقستاننان سوعىسقا اتتانعان ءاربىر ەكىنشى جاۋىنگەر مايداندا قازا تاپتى - پرەزيدەنت
نۇر-سۇلتان. قازاقپارات - بۇگىن ۇلى وتان سوعىسىنىڭ باستالعانىنا تۋرا 80 جىل تولدى.
قازاقستان پرەزيدەنتى قاسىم-جومارت توقايەۆ الەۋمەتتىك جەلىدەگى پاراقشاسىندا الەم تاريحىنداعى وسىناۋ قايعىلى كۇندى ەسكە الدى، دەپ حابارلايدى قازاقپارات.
«وسىدان 80 جىل بۇرىن ءدال وسى كۇنى ۇلى وتان سوعىسى باستالدى. قازاقستاننان اتتانعان ءاربىر ەكى جاۋىنگەردىڭ ءبىرى تاريحتاعى ەڭ قاندى سوعىستىڭ مايدانىندا قازا تاپتى. ولاردىڭ عاجايىپ ەرلىگى حالقىمىزدىڭ جادىندا ماڭگى ساقتالادى. مۇنداي قاسىرەتكە ەشقاشان جول بەرمەۋ - بارشا ادامزاتتىڭ مىندەتى» دەپ جازدى قاسىم-جومارت توقايەۆ Twitter پاراقشاسىندا.