حالىق ۆاكسينا سالۋدا بەلسەندىلىك تانىتسا، ەكونوميكامىز قايتا جاقساراتىن ەدى - ساۋدا ءمينيسترى

None
None
نۇر-سۇلتان. قازاقپارات - ق ر ساۋدا جانە ينتەگراتسيا ءمينيسترى باقىت سۇلتانوۆ حالىقتى ۆاكتسينالاۋ قارقىنىنىڭ ەلدىڭ ساۋدا سالاسىنا ىقپالى تۋرالى ايتتى، دەپ حابارلايدى قازاقپارات ءتىلشىسى.

«سالاداعى ءوسىم قارقىنىنا حالىقتى جاپپاي ۆاكسينالاۋ ناتيجەسىندە كارانتين مەن شەكتەۋ ءىس- شارالارىنىڭ جەڭىلدەۋى وڭتايلى اسەر ەتەدى. مۇنى الەمدىك ساراپشىلار دا راستاپ وتىر»، - دەدى ب. سۇلتانوۆ ونلاين رەجيمدە حالىق الدىندا ەسەپ بەرۋى كەزىندە.

وسى ورايدا ول حالىقارالىق ۆاليۋتا قورىنىڭ ەسەپ- قيسابىن مىسال رەتىندە كەلتىردى.

«حالىقارالىق ۆاليۋتا قورىنىڭ دەرەگىنشە، 2021 -جىلى ۆاكسينالاۋ قارقىنى بويىنشا كوش باستاعان ەلدەردە، ياعني حالىقتىڭ 50 پايىزىنا ەكپە سالىنعان مەملەكەتتەردە ەكونوميكا ءوسىمى 5,7 پايىز دەڭگەيىندە بولادى دەپ كۇتىلۋدە. سونىمەن قاتار، حالىقتىڭ تورتتەن ءبىرى ۆاكسينالانعان دامىعان ەلدەردە بيىل ەكونوميكا ءوسىمى 3,3 پايىز شاماسىندا بولادى دەپ ەسكەرىلگەن»، - دەدى مينيستر. «ح ۆ ق ەسەپتەۋى بويىنشا بىزدە ەكونوميكالىق ءوسىم 3,2 پايىز دەڭگەيىندە بولادى دەپ ايتىلعان. ەگەر دە حالىق ۆاكسينا سالۋدا بەلسەندىلىك تانىتسا، بىزدە ەكونوميكا ءوسىمى مەن ساۋدا كولەمى ارتادى»، - دەدى ب. سۇلتانوۆ.

اۆتور: رۋسلان عابباسوۆ

سوڭعى جاڭالىقتار