+7 (701) 759 90 19
13 °С : نۇر-سۇلتان
21 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

كارتوپ باعاسىنىڭ وسۋىنە جول بەرمەۋ ءۇشىن نە ىستەلەدى - مينيستر جاۋابى

22 ماۋسىم 13:31
:ءبولىسۋ
كارتوپ باعاسىنىڭ وسۋىنە جول بەرمەۋ ءۇشىن نە ىستەلەدى - مينيستر جاۋابى

نۇر-سۇلتان. قازاقپارات - ق ر ساۋدا جانە ينتەگراتسيا ءمينيسترى باقىت سۇلتانوۆ الداعى ۋاقىتتا كارتوپ باعاسىنىڭ وسۋىنە جول بەرمەۋ ءۇشىن قانداي قادامدار جاسالاتىنىن ايتتى.

ءمينيستردىڭ پايىمىنشا، بۇل ماسەلەدە مەملەكەتتىك ءارى جەرگىلىكتى اتقارۋشى ورگاندار، بيزنەس قوعامداستىق، سونداي-اق فەرمەرلەر ءوزارا ءىس-قيمىلدا جۇمىس ىستەسە، ناقتى ناتيجە بولادى، دەپ حابارلايدى قازاقپارات ءتىلشىسى.

«قازىرگى كەزدە بۇل قوعام مەن بيزنەستى الاڭداتىپ وتىرعان وزەكتى ماسەلە. اسىرەسە، الەۋمەتتىك جەلىلەردە سىن ايتىلىپ جاتىر. ءبىراق نارىقتا قالىپتاسقان بۇل جاعداي ۇسىنىس پەن سۇرانىس تەڭگەرىمىنىڭ جانە وڭىرلەر اراسىنداعى كوكونىس ونىمدەرى بويىنشا ساۋدا قاتىناستارىنىڭ ۇزىلۋىنە بايلانىستى تۋىنداپ وتىر. مۇنداي جاعدايدى بىزدە عانا ەمەس، كورشىلەس ەلدەردە دە كورىپ وتىرمىز»، - دەپ توقتالدى ب. سۇلتانوۆ ونلاين رەجيمدە حالىق الدىندا ەسەپ بەرۋى كەزىندە. ونىڭ ايتۋىنشا، رەسەيدە سۇرانىس ارتىپ وتىر. سوندىقتان ەلىمىزدە كارتوپ باعاسىنىڭ شارىقتاۋىنا جول بەرمەس ءۇشىن ءتيىستى اقپاراتتىق جۇيەلەردىڭ مۇمكىندىگى نازارعا الىنادى.

«بۇل جاعىنان ەكسپورتتىق سۇرانىس پەن يمپورتتىق مۇمكىنشىلىكتەردى قاراپ وتىرۋ كەرەك. مىسىردان، پاكىستاننان جانە باسقا ەلدەردەن الىپ كەلسەك، بۇل قىمبات كوكونىستەر جالپى باعانىڭ كورسەتكىشتەرىن كوتەرىپ تۇرادى. وسى ورايدا كورشىلەس ەلدەرمەن بىرلەسە بۇل پروبلەمانى شەشۋگە تىرىساتىن بولامىز. وزبەكستاندا دا كوكونىس باعاسى ەداۋىر كوتەرىلىپ وتىر. سونىمەن قاتار، ەتكە سۇرانىس بولعاننان كەيىن، بىلتىر بىزدەگى ەتتىڭ ەكسپورتى ەداۋىر ءوستى. بۇل ءوز كەزەگىندە ىشكى نارىقتا باعاعا اسەرىن تيگىزەتىنى انىق»، - دەدى ب. سۇلتانوۆ.

ونىڭ پايىمىنشا، بۇل ماسەلەدە مەملەكەتتىك ءارى جەرگىلىكتى اتقارۋشى ورگاندار، بيزنەس قوعامداستىق، سونداي-اق فەرمەرلەر ءوزارا ءىس- قيمىلدا جۇمىس ىستەسە، ناقتى ناتيجە بولادى. سوندا عانا ءونىم باعاسى كۇرت كوتەرىلمەيدى.

اۆتور: رۋسلان عابباسوۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات