نۇر- سۇلتاندا ەپيدەميولوگيالىق تالاپتاردى كۇشەيتۋ جونىندەگى ءىس- شارالار قابىلدانادى
بۇل تۋرالى ۇكىمەت وتىرىسىندا ق ر پرەمەر- ءمينيسترىنىڭ ورىنباسارى ەرالى توعجانوۆ ايتتى، دەپ حابارلايدى قازاقپارات ءتىلشىسى.
«بىرىنشىدەن، بۇگىن كوروناۆيرۋستىڭ تارالۋىن تەجەۋ جونىندەگى ۆەدومستۆوارالىق كوميسسيانىڭ وتىرىسى وتكىزىلىپ، وڭىرلەردە، ونىڭ ىشىندە ەڭ الدىمەن نۇر- سۇلتان قالاسىنداعى ەپيدەميولوگيالىق تالاپتاردى كۇشەيتۋ جونىندەگى ءىس- شارالار قابىلدانادى. ەكىنشىدەن، بارلىق اكىمدەر ادامدار كوپتەپ جينالاتىن ورىنداردا، اسىرەسە دەمالىس ورىندارىندا سانيتارلىق تالاپتاردىڭ، الەۋمەتتىك قاشىقتىقتىڭ، ماسكا رەجيمىنىڭ قاتاڭ ساقتالۋىنا باسا نازار اۋدارۋى ءتيىس. ۇشىنشىدەن، ول بارلىق وڭىردە مونيتورينگ توپتاردىڭ جۇمىسىن كۇشەيتۋ قاجەتتىگىن، قوعامدىق ورىندارعا كەلۋشىلەردە «اشىق» قوسىمشاسىمەن تەكسەرۋ تالابىن قاتاڭ ساقتاۋ كەرەك. تورتىنشىدەن، ەڭ ماڭىزدى ماسەلە - حالىقتى ۆاكسيناتسيالاۋ. بارلىق دەڭگەيدەگى قالا، اۋدان، وبلىس اكىمدىكتەرىنىڭ كۇندەلىكتى جەكە باقىلاۋىندا بولۋى ءتيىس. ۆاكسينا الىپ ۇلگەرمەگەن ادامداردى تەز ارادا ۆاكسينا الۋعا شاقىرۋ - ەڭ باستى باسىمدىق»، - دەدى ەرالى توعجانوۆ.