+7 (701) 759 90 19
31 °С : نۇر-سۇلتان
31 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

ەلوردادا كوروناۆيرۋستىڭ ءۇندى شتاممى انىقتالدى

22 ماۋسىم 09:31
:ءبولىسۋ
ەلوردادا كوروناۆيرۋستىڭ ءۇندى شتاممى انىقتالدى

نۇر- سۇلتان. قازاقپارات - ەلوردادا كوروناۆيرۋستىڭ ءۇندى شتاممى انىقتالدى. بۇل تۋرالى ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.

«نۇر- سۇلتان قالاسىندا ك ۆ ي- مەن اۋىرعان ناۋقاستان الىنعان وڭ زەرتحانالالىق ۇلگىگە پتر سكرينينگ جۇرگىزۋ ناتيجەسىندە «دەلتا» شتاممىنا نەمەسە ءۇندى شتاممىنا ءتان ىقتيامال مۋتاتسيا انىقتالدى. كوروناۆيرۋستىڭ «دەلتا» شتاممى جوعارى جۇقتىعىشقا يە جانە شتامم انىقتالعان ناۋقاستاردىڭ 60 پايىزىندا ول 7 كۇنگە دەيىنگى بارىنشا قىسقا ينكۋباتسيالىق كەزەڭىمەن ەرەكشەلەنەدى. تاياۋدا جۇرگىزىلگەن زەرتتەۋلەر كوروناۆيرۋستىڭ ءۇندى شتاممى ەمحاناعا ءتۇسۋ جانە ءولىم- ءجىتىمنىڭ جوعارى بولۋىمەن بايلانىستى ەكەندىگىن كورسەتتى»، - دەدى مينيستر.

سونىمەن قاتار ونىڭ ايتۋىنشا، بۇل مۋتاتسيانى جۇقتىرعانداردا بۋىندار مەن ءىشتىڭ قاتتى اۋرۋى، ەستۋ قابىلەتىن جوعالتۋ سىندى قوسىمشا سيمپتومدار ءتان بولىپ وتىر.

«دۇنيەجۇزىلىك دەنساۋلىق ساقتاۋ ۇيىمىنىڭ دەرەگىنشە، SARS- CoV-2 «دەلتا» شتاممى الەمنىڭ 74 ەلىندە انىقتالىپ وتىر. ءۇندى شتاممىنا ءتان جۇقتىرعىشتىق، اۋرۋدىڭ اۋىر ءوتۋى سىندى مالىمەتتەردى ەسكەرە وتىرىپ، وڭىرلەر دارىلىك زاتتاردىڭ جەتكىلىكتى قورىن، وكپەنى جاساندى جەلدەتۋ اپپاراتىنا ارنالعان شىعىس ماتەريالدارىن، جەكە قورعانىش زاتتارىن، رەزەرۆتىك توسەك- ورىن قورىن قامتاماسىز ەتىپ، ك ۆ ي جۇقتىرعان ناۋقاستارعا مەديتسينالىق كومەك كورسەتۋ ءۇشىن جەدەل جاردەم قىزمەتى مەن ۇتقىر بريگادالاردى دايىندىققا كەلتىرۋى قاجەت»، - دەدى الەكسەي سوي.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات