شىعىس قازاقستاندا مال بازارى اشىلماق

وسكەمەن. قازاقپارات - شىعىس قازاقستان وبلىسى ۇلان اۋدانىندا مال بازارى اشىلادى، دەپ حابارلايدى قازاقپارات ءتىلشىسى.

ش ق و اكىمى باسپا ءسوز قىزمەتىنىڭ مالىمەتىنە سۇيەنسەك، ۇلان اۋدانىنداعى «مۋحامادي» شارۋا قوجالىعىنىڭ بازاسىندا ءتىرى مالدى، اۋىل جانە مال شارۋاشىلىقتارى ونىمدەرىن ساتاتىن بازار اشۋ جوسپارلانۋدا.

- بۇل بازاردا كورشى شارۋاشىلىقتىڭ فەرمەرلەرى وسىرگەن ونىمدەرىن ساتا الادى. سونداي- اق ساتىلماعان مالدى سول جەردەگى بورداقىلاۋ الاڭىنا قالدىرۋعا بولادى. ال ساتىپ الۋشىلار ءۇشىن مال سويۋ، ەتتى مۇشەلەپ بۇزۋ جانە ىستاۋ قىزمەتتەرى قاراستىرىلعان، - دەلىنگەن حابارلامادا.

اتالمىش شارۋا قوجالىق رەسپۋبليكالىق تاسجولدىڭ بويىنداعى «اتىعاي» اسۋىندا ورنالاسقان. سوندىقتان بۇل جەردىڭ تاڭدالۋى كەزدەيسوق ەمەس. مال بازارى ۇلان اۋدانىنىڭ جۇرتىنا جانە وبلىستىڭ باسقا ەلدى مەكەندەرىنەن كەلەتىن تۇرعىندار ءۇشىن دە ىڭعايلى بولماق.