بۇل تەرميندى ءبىلۋىڭىز كەرەك

نۇر-سۇلتان.قازاقپارات -حالىق اراسىنا ەڭ كوپ تاراعان پسيحولوگيا سالاسىندا تانىمال تەرميندەر دە بار.

ونى ءجيى ەستىپ جۇرگەنىمىزبەن، ماعىناسىن تولىق ۇقپاۋىمىز مۇمكىن. الايدا مىنا تەرميندەردىڭ ءمانىن ءار ادام بىلگەنى ابزال.

ەمپاتيا

ادام جانىن تۇسىنە ءبىلۋ. بىرەۋ باسىنان وتكەن وقيعاسىن بايانداپ وتىرعاندا، ونىڭ ورنىنا ءوزىن قويىپ، بىرگە جىلاپ، بىرگە كۇلۋ.

كاتارسيس

قازاقشا ماعىناسى «تازارۋ». ۇزاق ۋاقىت قايعىرۋ، ۋايىمداۋدان كەيىن، ءوزىڭدى جايلى سەزىنگەن ءسات.

پروكراستيناتسيا

بارلىق ءىستى كەيىنگە قالدىرۋ. جالقاۋلىقتان ايىرماسى - مۇندا قازىر ورىندالماي جاتقان ءىستى ۋايىمداپ وتىراسىز.

كونفورميست - قوعامعا جاعۋ ءۇشىن ويىن، پىكىرىن وزگەرتە سالاتىن جان.

نون- كونفورميست - كىم نە دەسە دە پىكىرىن وزگەرتپەيتىن، قوعام سىزىپ بەرگەن شەكاراعا باعىنباي، ەرەكشەلەنىپ جۇرەتىن جان.

ينسايت - ءبىر نارسەگە قاتىستى جاڭا كوزقاراس تۋۋى.

فرۋستراتسيا

ەشتەڭەگە زاۋقىڭ بولماي، ۇنەمى جولىڭ بولماي قالا بەرەتىندەي سەزىم.

massaget.kz