+7 (701) 759 90 19
21 °С : نۇر-سۇلتان
22 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

فۋتبولدان ەۋروپا چەمپيوناتى: نيدەرلاندى مەن اۆستريا جارىستىڭ كەلەسى ساتىسىنا شىقتى

22 ماۋسىم 08:03
:ءبولىسۋ
فۋتبولدان ەۋروپا چەمپيوناتى: نيدەرلاندى مەن اۆستريا جارىستىڭ كەلەسى ساتىسىنا شىقتى

نۇر- سۇلتان. قازاقپارات - فۋتبولدان ەۋروپا چەمپيوناتىنىڭ فينالدىق ساتىسىنىڭ توپتىق كەزەڭىندە س توبىندا 1/8 فينالعا شىققان قۇرامالار انىقتالدى، دەپ حابارلايدى قازاقپارات ءتىلشىسى.

اتالعان توپتاعى ەكى ويىن دا ءبىر ۋاقىتتا باستالدى. ناتيجەسىندە 1/8 فينالعا شىققان قۇرامالار بەلگىلى بولدى. العاشقى كەزدەسۋدە نيدەرلاندى مەن سولتۇستىك ماكەدونيا شەبەرلىك بايقاستى. ولاردىڭ تۋرنير كەستەسىندەگى جاعدايى تۇرلىشە بولاتىن. نيدەرلاندى العاشقى ەكى تۋردا ۇپايدان شاشاۋ شىعارماي، ءبىرىنشى ورىنعا جايعاستى. ال سولتۇستىك ماكەدونيا ەكى ويىندا دا قارسىلاستارىنا ەسە جىبەرىپ، تۋرنير كەستەسىندە سوڭعى ورىندى مىسە تۇتتى.

بۇگىنگى كەزدەسۋدە نيدەرلاندى قارسىلاسىنان باسىمىراق وينادى. ناتيجەسىندە 24-مينۋتتا مەمفيس دەپاي مەرگەندىگىمەن كوزگە ءتۇستى. ال جورجينو ۆەينالدۋم 51، 58-مينۋتتاردا ەسەپتى ەسەلەدى. وسىلايشا نيدەرلاندى اۆستريانى 3:0 ەسەبىمەن جەڭىپ، ءوز توبىندا ءبىرىنشى ورىن الدى. ەندى ولار 1/8 فينالدا باق سىنايدى.

ايتا كەتەرلىگى، اۆستريا اتالعان قارسىلاسىنان 1990 -جىلدان بەرى باسىم تۇسە الماي كەلەدى. سودان بەرى جەتى ويىندا دا نيدەرلاندىلىق قۇرامانىڭ ايى وڭىنان تۋىپ تۇر. بۇگىن اتالعان توپتاعى تاعى ءبىر كەزدەسۋدە ۋكراينا مەن اۆستريا جاسىل الاڭعا شىقتى.

ءۇش ۇپاي جيناعان ەكى قۇرامانىڭ تۋرنير كەستەسىندەگى جاعدايى بىردەي بولاتىن. سوندىقتان جەڭىسكە جەتكەن قۇراما جارىستىڭ كەلەسى ساتىسىنا بىردەن جولداما الاتىن. ويىن بارىسىندا ءبىرىنشى كەزەڭدە اۆستريالىق فۋتبولشىلاردىڭ گول سوعاتىن بىرنەشە مۇمكىندىگى تۋدى. سول ساتتەردىڭ بىرىندە كريستوف باۋمگارتنەر 21-مينۋتتا ءوزىنىڭ ىڭعايىنا كەلگەن دوپتى قاقپا تورىندا تۋلاتتى. كەزدەسۋدە اۆستريا قارسىلاسىن 1:0 ەسەبىمەن باسىم ءتۇسىپ، جارىستى جالعاستىرۋعا مۇمكىندىك الدى.

قۇرامالار بۇعان دەيىن ەكى مارتە جولداستىق كەزدەسۋدە كۇش سىناسىپ، ءبىر- بىردەن جەڭىسكە جەتتى. ەسكە سالساق، بۇگىن ۆ توبىندا رەسەي مەن دانيا، فينليانديا مەن بەلگيا قۇرامالارى وينايدى. كەزدەسۋ ەلوردا ۋاقىتىمەن 00.50-دە باستالادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات