+7 (701) 759 90 19
27 °С : نۇر-سۇلتان
30 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

قازاقستاندىقتاردىڭ ورتاشا تابىسى قانشا؟

21 ماۋسىم 22:55
:ءبولىسۋ
قازاقستاندىقتاردىڭ ورتاشا تابىسى قانشا؟

نۇر-سۇلتان. قازاقپارات - وسى جىلدىڭ ءبىرىنشى توقسانىندا حالىقتىڭ ورتاشا تابىسى جان باسىنا شاققاندا ورتا ەسەپپەن 196,5 مىڭ تەڭگەنى قۇرادى.

بۇل وتكەن جىلدىڭ وسى كەزەڭىمەن سالىستىرعاندا 10,8 پايىزعا وسكەن.

قازاقستان ايماقتارىنىڭ ىشىندەگى ەڭ كوپ تابىس ءداستۇرلى تۇردە - نۇر-سۇلتان (275,9 مىڭ تەڭگە) جانە الماتى (246,8 مىڭ تەڭگە) سىندى مەگاپوليستەردە تىركەلدى. 2021-جىلدىڭ ءبىرىنشى توقسانىندا جان باسىنا شاققاندا ورتاشا ەسەپپەن 246 مىڭ تەڭگە كورسەتكىشىمەن قاراعاندى ​​وبلىسى الماتىدان ءسال ارتتا قالدى.

ەڭ تومەنگى تابىس تۇركىستان وبلىسىندا تۇرعىندار اراسىندا بايقالدى - 121,8 مىڭ تەڭگە. بۇل ءوڭىردىڭ تۇرعىندارى نۇر-سۇلتانعا قاراعاندا 2,3 ەسە از تابىس تاپقان.

2021-جىلدىڭ ءبىرىنشى توقسانىنداعى حالىقتىڭ اقشالاي كىرىسىنىڭ ۇشتەن ەكىسىنەن كوبى ەڭبەك كىرىستەرىنەن: 136,5 مىڭ تەڭگە، ونىڭ 119,1 مىڭ تەڭگەسى - جالدامالى جۇمىسپەن قامتۋدان، 17,4 مىڭ تەڭگەسى - ءوزىن-ءوزى جۇمىسپەن قامتۋ جانە كاسىپكەرلىك قىزمەتتەن تۇسكەن.

الەۋمەتتىك ترانسفەرتتەر كىرىستىڭ 30 پايىزىنان از. ونىڭ 43,7 مىڭ تەڭگەسى - زەينەتاقى، ال جاردەماقىلار، ستيپەنديالار، ا ا ك جانە تۇرعىن ءۇي كومەگى نەبارى 9,1 مىڭ تەڭگەنى قۇرادى.

كىرىستىڭ قالعان بولىگى 7,2 مىڭ تەڭگە.

ءبىرىنشى توقساندا اۋىلدىق جانە قالالىق تۇرعىنداردىڭ اقشالاي كىرىستەرىنىڭ اراسىنداعى ايىرماشىلىق قالا تۇرعىندارىنىڭ 40,4 پايىزدان 2021-جىلى 37,7 پايىزعا تومەندەدى.

قالالىق جەرلەردە حالىقتىڭ كىرىسى 9,9 پايىزعا، جان باسىنا شاققاندا ورتا ەسەپپەن 221,3 مىڭ تەڭگەگە، ال اۋىلدىق جەرلەردە 12,1 پايىزعا، 160,6 مىڭ تەڭگەگە دەيىن ءوستى.

massaget.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات