+7 (701) 759 90 19
21 °С : نۇر-سۇلتان
19 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

وزبەكستاندا كوروناۆيرۋس جۇقتىرۋ جاعدايلارى كۇرت ارتتى

22 ماۋسىم 07:43
:ءبولىسۋ
وزبەكستاندا كوروناۆيرۋس جۇقتىرۋ جاعدايلارى كۇرت ارتتى

تاشكەنت. قازاقپارات - وزبەكستاندا سوڭعى اپتادا كوروناۆيرۋس ينفەكتسياسىن جۇقتىرۋ وقيعالارى كۇرت ارتتى.

بۇل تۋرالى «وزبەكستان 24» تەلەارناسىنا ەكىنشى زەڭگىاتا مامانداندىرىلعان جۇقپالى اۋرۋلار اۋرۋحاناسىنىڭ دارىگەرلەرى ءمالىم ەتتى، دەپ حابارلايدى قازاقپارات ءتىلشىسى.

«ناۋقاستاردىڭ بىزگە قارالۋى ەكى ەسەگە، ال اۋرۋحاناعا جاتقىزىلعاندار سانى 1,5 ەسەگە ارتقانىن بايقاپ وتىرمىز. بىزگە كەلگەن ناۋقاستاردىڭ %13 اۋىر جاعدايدا تۇسەدى جانە رەانيماتسيالىق ەمدەۋدى تالاپ ەتەدى. جانساقتاۋ بولىمشەلەرىنىڭ نەگىزگى كونتينگەنتى - اۋرۋدى اۋىر وتكىزەتىن ناۋقاستار، ياعني 65 جاستان جوعارى ادامدار»، - دەپ ءمالىم ەتتى اۋرۋحانا ديرەكتورى دونيەر ميرازيموۆ.

بولىمشە مەڭگەرۋشىسى رانو يسلاموۆانىڭ ايتۋىنشا، قازىرگى كەزدە رەانيماتسيا بولىمشەلەرىنىڭ توسەك ورىندارى تولىق.

«جانساقتاۋ بولىمشەلەرىنە تۇسكەندەردىڭ كوبىنە كوروناۆيرۋسقا قارسى ۆاكسينا الۋىنا بولار ەدى، الايدا ولار بەلگىلى ءبىر سەبەپتەرمەن ەكپە الۋدان باس تارتقان. بىزدە بولىمشەلەردە وتباسىمەن جاتقاندار بار. جەتى ادامنان تۇراتىن وتباسى بار. قازىرگى كەزدە رەسپۋبليكامىزدا ىندەت ءورشىپ تۇر. ناۋقاستار سانى وتە كوپ. بولىمشەدە 80 توسەك ورىن جابدىقتالعان. ولاردىڭ ەشبىرى بوس ەمەس»، - دەدى دارىگەر.

وزبەكستاننىڭ دەنساۋلىق ساقتاۋ مينيسترلىگىنىڭ دەرەكتەرىنە سايكەس، ەلدە سوڭعى اپتادا اۋرۋدىڭ تۇراقتى ءوسۋى بايقالادى. وتكەن تاۋلىكتىڭ وزىندە 427 ادام كوروناۆيرۋس جۇقتىرعان.

تاشكەنت (163) جانە تاشكەنت وبلىسى (61) كوش باستاپ تۇر. اۋرۋحانالاردا كوروناۆيرۋس جۇقتىرعان 3571 ناۋقاس جاتىر.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات