كوروناۆيرۋس بويىنشا احۋال ناشار: ماسكەۋدەگى ق ر كونسۋلدىعى قابىلداۋدى توقتاتتى

None
None
ماسكەۋ. قازاقپارات - قازاقستاننىڭ رەسەيدەگى ەلشىلىگىنىڭ كونسۋلدىعى كوروناۆيرۋس بويىنشا احۋالدىڭ كۇردەلەنۋىنە بايلانىستى ازاماتتاردى قابىلداۋدى توقتاتتى، دەپ حابارلايدى قازاقپارات.

«قۇرمەتتى ازاماتتار! ماسكەۋ قالاسىندا COVID-19 كوروناۆيرۋس ينفەكتسياسىنىڭ تارالۋىنا قاتىستى جاعدايدىڭ ناشارلاۋىنا بايلانىستى جانە بارلىق كەلۋشىلەردىڭ دەنساۋلىعى ءۇشىن قاۋىپسىزدىكتى قامتاماسىز ەتۋ ماقساتىندا 2021-جىلعى 24- ماۋسىم مەن 8- شىلدە ارالىعىندا ماسكەۋدەگى قازاقستان رەسپۋبليكاسى ەلشىلىگىنىڭ كونسۋلدىق ءبولىمى بارلىق كونسۋلدىق جانە مەملەكەتتىك قىزمەتتەر بويىنشا ازاماتتاردى جەكە قابىلداۋدى ۋاقىتشا توقتاتادى. شۇعىل ماسەلەلەر بويىنشا 89258977117 «جەدەل جەلى» تەلەفونىنا قوڭىراۋ شالۋدى سۇرايمىز. قالعان سۇراقتار بويىنشا [email protected] ەلەكتروندىق پوشتا ارقىلى حابارلاسۋعا بولادى»، - دەلىنگەن ەلشىلىكتىڭ Telegram-كانالىندا.

ءمالىم ەتىلگەندەي، 24- ماۋسىم - 8- شىلدە ارالىعىنا قابىلداۋعا جازىلعان ازاماتتار كەيىنگى كۇندەرى كەزەك تارتىبىمەن قابىلدانادى.

«كەلۋشىلەردى قابىلداۋدى قايتا باستاۋ تۋرالى ر ف- داعى ق ر ەلشىلىگىنىڭ ينتەرنەت-رەسۋرستارى ارقىلى قوسىمشا حابارلاناتىن بولادى»، - دەپ ناقتىلادى ۆەدومستۆودان.

سوڭعى جاڭالىقتار