+7 (701) 759 90 19
27 °С : نۇر-سۇلتان
30 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

الەمنىڭ كەيبىر ەلدەرىندە ۆاكسينالاۋ شارالارى قالاي جۇرگىزىلىپ جاتىر؟

21 ماۋسىم 21:45
:ءبولىسۋ
الەمنىڭ كەيبىر ەلدەرىندە ۆاكسينالاۋ شارالارى قالاي جۇرگىزىلىپ جاتىر؟

نۇر-سۇلتان. قازاقپارات - جاپونيا، قىتاي جانە شۆەتسيا ەلدەرىندە ۆاكسينالاۋ شارالارى قالاي ءجۇرىپ جاتىر؟

قازاقپارات سانيتاريالىق-ەپيدەميولوگيالىق باقىلاۋ كوميتەتىنە سىلتەمە جاساپ حابارلايدى.

جاپونيادا ازاماتتاردى جۇمىس جانە وقۋ ورىندارىندا COVID-19 عا قارسى ەگۋ شارالارى باستالدى.

ەلدە ۋنيۆەرسيتەتتەر مەن جۇمىس ورىندارىندا كاسىپورىنداردىڭ قىزمەتكەرلەرىن ۆاكسيناتسيالاۋعا ارنالعان 3,4 مىڭنان استام الاڭ تىركەلگەن. مەملەكەتتىڭ مينيسترلەر كابينەتىنىڭ باس حاتشىسى كاتسۋنوبۋ كاتونىڭ ايتۋىنا قاراعاندا، مۇنداي ستراتەگيا جاپونيا حالقىن كوروناۆيرۋستىق ينفەكتسياعا قارسى ۆاكسيناتسيالاۋ قارقىنىن ارتتىرادى.

قىتايلىق دارىگەرلەر كوروناۆيرۋستىق ينفەكسياعا قارسى ۆاكسيناتسيالاۋ ناۋقانى باستالعاننان بەرى ەل تۇرعىندارىنا ءبىر ميللياردتان استام ەكپەنى سالدى.

بۇل تۋرالى ق ح ر مەملەكەتتىك گيگيەنا جانە دەنساۋلىق ساقتاۋ جونىندەگى كوميتەتىنەن حابارلاندى.

2021-جىلدىڭ 19- ماۋسىمىنداعى جاعدايعا سايكەس قىتايدىڭ 31 اكىمشىلىك بىرلىگىندە كوروناۆيرۋستىڭ جاڭا تيپىنە قارسى 1,01 ميلليارد ۆاكسينا جاسالدى.

قىتايدا كوروناۆيرۋستىق ينفەكسياعا قارسى ەكپەنى مىندەتتى تۇردە الۋى ءتيىس حالىقتى ۆاكسيناتسيالاۋ 2020-جىلدىڭ 15- جەلتوقسانىندا باستالعان بولاتىن.

شۆەتسيا COVID-19-عا قارسى ۆاكسينا الماعان ادامداردىڭ ەلگە كىرۋىنە تىيىم سالاتىن تالاپتىڭ مەرزىمىن ۇزارتتى ەل ۇكىمەتى ە و مەملەكەتتەرىنەن جانە ەۋروپالىق ەكونوميكالىق ايماقتان شۆەتسياعا كىرۋگە تىيىم سالاتىن تالاپتىڭ كۇشىندە بولۋ مەرزىمىن ۇزارتۋ تۋرالى شەشىم قابىلدادى.

بۇل تالاپ تەك ۆاكسيناتسيا سەرتيفيكاتىن، پ ت ر زەرتتەۋدىڭ تەرىس ناتيجەسى نەمەسە انتيدەنەلەردىڭ بولۋى تۋرالى كۋالىكتى ۇسىنعان ادامدارعا قويىلمايدى.

شەكتەۋ مەرزىمىنىڭ ۇزارتىلعاندىعى تۋرالى تالاپ 30- ماۋسىمدا كۇشىنە ەنىپ، 31- تامىزعا دەيىن قولدانىستا بولادى.

دانيا، فينليانديا، يسلانديا جانە نورۆەگيا تۇرعىندارىنىڭ ەل اۋماعىنا كىرۋىنە ەشقانداي شەكتەۋلەر قويىلعان جوق.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات