كوروناۆيرۋستىڭ «ۇندىلىك» شتامى: ادامدار ساڭىراۋ بولىپ قالۋى مۇمكىن

نۇر-سۇلتان. قازاقپارات - كوروناۆيرۋستىڭ «دەلتا» شتامى («ۇندىلىك» شتامم) تۋرالى نە بىلەمىز جانە ونىڭ قاۋپى قانداي؟ ول قازاقستاندا تىركەلگەن بە؟ وسى سۇراقتارعا قازاقپارات جاۋاپ ىزدەپ كورەدى.

ق ر دەنساۋلىق ساقتاۋ مينيسترلىگى تاراتقان اقپاراتقا سايكەس، «دەلتا» كوروناۆيرۋس شتامى اسا كونتاگيوزدى جانە انىقتالعان شتامدارعا قاراعاندا جۇقپالىلىعى %60 كە جوعارى. قازىرگى اينالىمداعى شتامدار 1 ادامنان ورتا ەسەپپەن 3-4 ادامعا تارالاتىن بولسا، بۇل شتام 5-6 ادامعا بىردەن جۇعادى جانە 7 كۇنگە سوزىلاتىن قىسقا ينكۋباتسيالىق كەزەڭمەن سيپاتتالادى.

سونىمەن قاتار ىندەتتى جۇقتىرعاندار بۋىندار مەن ءىشتىڭ قاتتى اۋىرسىنۋىن سەزىنەدى، جۇرەك اينىپ، لوقسيدى، اۋرۋ سالدارىنان ادام ساڭىراۋ بولىپ قالۋى ابدەن مۇمكىن جانە اياقتاردىڭ ميكروترومبوزىنا اكەلەدى. سوڭعى زەرتتەۋلەر كورسەتكەندەي، كوروناۆيرۋستىڭ «ۇندىلىك» شتامى اۋرۋحاناعا جاتقىزۋ مەن ءولىم-ءجىتىمنىڭ جوعارى ىقتيمالدىعىمەن بايلانىستى.

وسىعان وراي ق ر دەنساۋلىق ساقتاۋ مينيسترلىگى ءاربىر قازاقستاندىقتى ءوز دەنساۋلىعى مەن جاقىندارىنىڭ ومىرىنە اسا ساقتىقپەن، جاۋاپكەرشىلىكپەن قاراۋدى سۇرايدى.

ينفەكسيادان قالاي قورعانۋعا بولادى؟

ينفەكتسيادان قورعانۋ مەن اۋرۋحاناعا جاتۋدان امان قالۋدىڭ بىردەن ءبىر جولى COVID-19 ۆيرۋسىنا قارسى ۆاكسينانىڭ تولىق كۋرسىن الۋ. ق ر دەنساۋلىق ساقتاۋ مينيسترلىگى ك ۆ ي- گە قارسى ەكپە الۋعا قارسى كورسەتىلىمدەرى جوق ءاربىر ازاماتقا قىسقا مەرزىمدە ۆاكتسينالانۋعا كەڭەس بەرەدى. سونداي-اق ۆيرۋس تارالۋىنىڭ الدىن الۋ ماقساتىندا بارلىق پروفيلاكتيكالىق شارالاردى قاتاڭ ورىنداۋ قاجەت: ماسكا تاعۋ، الەۋمەتىك اراقاشىقتىقتى ساقتاۋ، قول گيگيەناسى، ءۇي-جايلاردى جەلدەتۋ، ت. ب.

بۇعان دەيىن ق ر دەنساۋلىق ساقتاۋ ءمينيسترى الەكسەيتسوي قازاقستاندا كوروناۆيرۋستىڭ ءۇندى شتامى انىقتالعان جوق ەكەندىگىن ايتتى. الايدا بۇگىن قازاقستان رەسپۋبليكاسىنىڭ دەنساۋلىق ساقتاۋ مينيسترلىگى اينالىمدا «ۇندىلىك» شتامنىڭ بولۋ ىقتيمالدىلىعىن انىقتادى.

نۇر-سۇلتان قالاسىندا كوروناۆيرۋستىق ينفەكسيامەن سىرقاتتانۋشىلىق دەڭگەيىنىڭ كۇرت وسۋىنە بايلانىستى دەنساۋلىق ساقتاۋ مينيسترلىگى ك ۆ ي جۇقتىرعان ناۋقاستاردان الىنعان وڭ زەرتحانالىق ۇلگىلەردىڭ پ ت ر سكرينينگىن وتكىزدى.

سكرينينگ ناتيجەلەرى بويىنشا «دەلتا» شتامىنا («ۇندىلىك» شتامم) ءتان مۋتاتسياعا كۇدىكتى جاعداي انىقتالدى. مۋتاتسيانىڭ بولۋىن جانە ونىڭ «دەلتا» شتامىنا جاتاتىندىعىن تۇپكىلىكتى راستاۋ د ن ق ۇلگىلەرىن تولىق گەنومدىق سەكۆەنيرلەۋ اياقتالعاننان كەيىن بەلگىلى بولادى.

ايتا كەتسەك، دۇنيەجۇزىلىك دەنساۋلىق ساقتاۋ ۇيىمىنىڭ 2021-جىلعى 20- ماۋسىمداعى مالىمەتتەرى بويىنشا SARS- CoV-2 «دەلتا شتامم» الەمنىڭ 174 ەلىندە انىقتالعان.