ت م د مينيسترلەرى سوعىس تۋرالى ولەڭدەر وقىدى

نۇر-سۇلتان. قازاقپارات - ت م د- عا قاتىسۋشى ەلدەردىڭ سىرتقى ىستەر مينيسترلەرى ەكىنشى دۇنيەجۇزىلىك سوعىسقا قاتىسۋشىلاردىڭ ەرلىگىنە تاعزىم رەتىندە ول تۋرالى وزدەرىنىڭ انا تىلدەرىندە جازىلعان ولەڭدەردەن ۇزىندىلەر وقىدى.

بۇل تۋرالى قازاقپارات س ءى م سىلتەمە جاساپ حابارلايدى.

22 - ماۋسىمدا فاشيستتىك كۇشتەردىڭ ك س ر و اۋماعىنا باسىپ كىرگەنىنە جانە ەكىنشى دۇنيەجۇزىلىك سوعىستىڭ باستالعانىنا 80 جىل تولادى.

بۇل وقيعا قازاقستان حالقىنا وراسان زور قايعى اكەلدى. 1,2 ميلليونعا جۋىق قازاقستاندىقتار مايدانعا اتتاندى، ولاردىڭ 600 مىڭنان استامى قازا تاپتى. شايقاستاردا كورسەتكەن ەرلىكتەرى ءۇشىن جۇزدەگەن مىڭ ادام وردەن مەن مەدالعا، ال 500 دەن استام جەرلەسىمىز كەڭەس وداعىنىڭ باتىرى اتاعىنا يە بولدى.

فاشيزمدى جەڭۋگە تىل ەڭبەككەرلەرى دە باعا جەتپەس ۇلەس قوستى. سۇراپىل سوعىستىڭ باستالۋىن ەسكە الۋ كۇنىنىڭ قارساڭىندا ت م د- عا قاتىسۋشى ەلدەردىڭ سىرتقى ىستەر مينيسترلەرى ەكىنشى دۇنيەجۇزىلىك سوعىسقا قاتىسۋشىلاردىڭ ەرلىگىنە تاعزىم رەتىندە ول تۋرالى وزدەرىنىڭ انا تىلدەرىندە جازىلعان ولەڭدەردەن ۇزىندىلەر وقىدى.