پاريجدە جاس قازاقستاندىق سۋرەتشىلەردىڭ كورمەسى ءوتتى
بۇل تۋرالى قازاقپارات س ءى م سىلتەمە جاساپ حابارلايدى.
ءىس-شارانى قازاقستاننىڭ فرانسياداعى ەلشىلىگى، «MPL Culture « كومپانياسى، مۇمكىندىگى شەكتەۋلى بالالارعا كومەك كورسەتەتىن «ايالاعان الاقان» قازاقستاندىق قوعامدىق قايىرىمدىلىق قورى ۇيىمداستىرعان.
سونىمەن قاتار، قوناقتارعا فرانسۋز تىلىنە اۋدارىلعان «اۋەزحاننىڭ 40 ۇلى» اتتى قازاق حالىق ەرتەگىسى كورسەتىلدى. بەينەلى كورمەلەردىڭ اۆتورى انگۋلەم ق. انيماتسيا مەكتەبىندە ەكىنشى كۋرستىڭ جاس ستۋدەنتى دومينيكا قىدىربايەۆا بولدى.
ۇزاق ايلار بويى بۇل جوبا بويىنشا قازاقستاندىقتار مەن فرانسۋزدار بىرلەسە ەڭبەك ەتتى. بۇگىنگى تاڭدا ەرتەگى فرانسۋز جانە ورىس تىلدەرىنە اۋدارىلعان. ءبىراق باسقا ەلدەردىڭ، سونىڭ ىشىندە شۆەيتساريا مەن گەرمانيانىڭ قىزىعۋشىلىعىن ەسكەرە وتىرىپ، نەمىس جانە اعىلشىن تىلدەرىندەگى نۇسقالارى دايىندالۋدا.
قازاقستاننىڭ فرانسياداعى ەلشىسى جانە يۋنەسكو جانىنداعى تۇراقتى وكىلى جان عاليەۆ ءوزىنىڭ العى سوزىندە «ايالاعان الاقان» قورىنىڭ «مۇمكىندىكتەرى شەكتەۋلى ەمەس، ءبىراق سۋرەتتەرىنەن شىعاتىن ەرەكشە دارىنى مەن جارقىن ەنەرگەتيكاسى بار بالالاردىڭ شىعارماشىلىعىن كورسەتە وتىرىپ»، وتە ماڭىزدى جۇمىس جۇرگىزىپ جاتقانىن اتاپ ءوتتى.