+7 (701) 759 90 19
°С : نۇر-سۇلتان
°С : الماتى
USD 424.99 EUR 504.21
RUB 5.81 CNY 65.66
جاڭالىقتار

پرەزيدەنت سەرىك جۇمانعارينگە ازىق-تۇلىك باعاسىن تومەندەتۋ بويىنشا تاپسىرما بەردى

21 ماۋسىم 18:08
:ءبولىسۋ
پرەزيدەنت سەرىك جۇمانعارينگە ازىق-تۇلىك باعاسىن تومەندەتۋ بويىنشا تاپسىرما بەردى

نۇر-سۇلتان. قازاقپارات - مەملەكەت باسشىسى باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى سەرىك جۇمانعاريندى قابىلدادى، دەپ حابارلايدى اقوردا.

قاسىم-جومارت توقايەۆقا الەۋمەتتىك ماڭىزى بار ازىق-تۇلىك تاۋارلارى نارىعىنداعى احۋالدى تۇراقتاندىرۋ ءۇشىن قابىلدانىپ جاتقان شارالار تۋرالى ەسەپ بەرىلدى.

پرەزيدەنتكە قازاقستانداعى بيرجا ساۋداسىنىڭ دامۋى، قۇرىلىس ماتەريالدارى، تۇرعىن ءۇي، جانار-جاعار ماي نارىقتارىنداعى باعاعا قاتىستى احۋال، سونداي-اق، كىرمە جولدار نارىعىنداعى جاعدايدى تۇراقتاندىرۋ جونىندە مالىمەت بەرىلدى.

سەرىك جۇمانعارين قاسىم-جومارت توقايەۆقا مەملەكەتتىك جانە جەكە وپەراتورلاردىڭ قىزمەتىنە جۇرگىزىلگەن تالداۋ جونىندەگى تاپسىرماسىنىڭ ورىندالۋ ناتيجەلەرى تۋرالى باياندادى. سونداي-اق، جۇمىس ىستەپ تۇرعان قازىرگى قۇرىلىمداردى وڭتايلاندىرۋ جونىندەگى ۇسىنىستارىن ايتتى.

بولجام بويىنشا ولار 3,5 ميلليارد تەڭگە ەكونوميكالىق پايدا اكەلەدى. سونىمەن قاتار مەملەكەت باسشىسىنا فارماتسيەۆتيكا، اۆتوجولدار قۇرىلىسى نارىقتارىنداعى، دەنساۋلىق ساقتاۋ سالاسىنداعى مونوپولياعا قارسى ارەكەت ەتۋ شارالارى تۋرالى ايتىلدى.

سالالىق ۆەدومستۆونىڭ جەتەكشىسى پرەزيدەنتكە باسەكەلەستىكتىڭ دامۋىنا كەدەرگى كەلتىرەتىن شەكتەۋلەردى جويۋ ءۇشىن اۋىل شارۋاشىلىعى مينيسترلىگىمەن بىرلەسىپ قابىلداپ جاتقان شارالار، ۇلتتىق جوبا جانە باسەكەلەستىكتى دامىتۋ جونىندەگى زاڭ جوباسى بويىنشا اتقارىلىپ جاتقان جۇمىستار جايىندا ايتتى.

قاسىم-جومارت توقايەۆ ازىق-تۇلىك جانە باسقا دا تاۋارلاردىڭ باعاسىن تومەندەتۋ جونىندە جۇيەلى شارالار قابىلداۋدى تاپسىردى.

اتاپ ايتقاندا قاسىم-جومارت توقايەۆ نەگىزگى ازىق-تۇلىك ءوندىرىسى كولەمىن ۇلعايتۋ، وتاندىق تاۋار وندىرۋشىلەرگە مەملەكەتتىك قولداۋ شارالارىنىڭ قولجەتىمدىلىگىن قامتاماسىز ەتۋ، حالىقتىڭ الەۋمەتتىك جاعدايى ناشار توپتارىنا قولداۋ كورسەتۋ قاجەت دەپ سانايدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات