+7 (701) 759 90 19
27 °С : نۇر-سۇلتان
30 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

الماتى فونتانىندا توق سوعۋ وقيعاسى: ءبىر ناۋقاستىڭ جاعدايى وتە اۋىر

21 ماۋسىم 18:27
:ءبولىسۋ
الماتى فونتانىندا توق سوعۋ وقيعاسى: ءبىر ناۋقاستىڭ جاعدايى وتە اۋىر

الماتى. قازاقپارات - الماتى تسيركىنىڭ جانىنداعى سۋبۇرقاقتا توق سوققان ءۇش ادامنىڭ ءبىرىنىڭ جاعدايى وتە اۋىر.

بۇل تۋرالى قالالىق قوعامدىق دەنساۋلىق باسقارماسى باسشىسىنىڭ ورىنباسارى لاۋرا مىرزاعالي ءمالىم ەتتى، دەپ حابارلايدى قازاقپارات ءتىلشىسى.

«سەنبى كۇنى كەشكى ساعات 16:00 شاماسىندا جەدەل جاردەم قىزمەتىنە سۋبۇرقاقتا ءبىر ەرەسەك جانە ەكى بالانىڭ زارداپ شەككەنى تۋرالى حابار ءتۇستى. 1993 -جىلى تۋعان الماتى تۇرعىنى قازىر ورتالىق كلينكالىق اۋرۋحانادا جاتىر. جاعدايى وتە اۋىر. رەانيماتسيا بولىمىندە. بارلىق مەديتسينالىق كومەكتى كورسەتىپ جاتىرمىز. ول ازاماتتا كوپتەگەن جاراقات بار. ءقازىر دارىگەرلەردىڭ باقىلاۋىندا. قالعان ەكى كىشكەنتاي قىزعا كەلەتىن بولساق، 10 جاستاعى قىز جانساقتاۋ بولىمىنەن پالاتاعا اۋىستىرىلدى. جاعدايى ورتاشا اۋىر. 8 جاستاعى ەكىنشى قىز جانساقتاۋ بولىمىندە، ەرتەڭگە دەيىن باقىلاۋدا ۇستايمىز. جاعدايى ورتاشا اۋىر»، - دەدى باسقارما وكىلى.

ەسكە سالايىق، 19-ماۋسىم كۇنى الماتى تسيركى ماڭىنداعى فونتاندا بىرنەشە ادامدى توق سوقتى. كەيىن اكىمدىك اتالعان وقيعانىن ءمان- جايىن ءتۇسىندىردى. سونىمەن قاتار، «Eco Almaty» ج ش س باسشىسى جاننا اسانوۆا، ول جەردە «شومىلۋعا تىيىم سالىنادى!» دەگەن ەسكەرتۋ تاقتاشاسى ورناتىلعانىن جازدى. الماتى اكىمى باقىتجان ساعىنتايەۆتىڭ ايتۋىنشا، وقىس وقيعاعا قاتىستى پوليتسيا تەرگەۋ جۇرگىزىپ جاتىر.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات