بەلگيادا مەكتەپ قۇلاپ كەتتى

انتۆەرپەن. قازاقپارات - بەلگيانىڭ انتۆەرپەن قالاسىندا سالىنىپ جاتقان مەكتەپ قۇلاپ، التى ادام مەرت بولدى، ولاردىڭ بەسەۋى شەتەلدىكتەر.

بۇل تۋرالى قازاقپارات The Brussels Times گازەتىنە سىلتەمە جاساپ حابارلايدى.

وپات بولعان قۇرىلىسشىلاردىڭ كوپشىلىگى شەتەلدىكتەر - پورتۋگاليانىڭ ءۇش ازاماتى، ءبىر رۋمىنيا ازاماتى جانە ءبىر رەسەي ازاماتى. قايعىلى وقيعا ورنىنا وسى ەلدەردىڭ ەلشىلەرى باردى. پروكۋراتۋرا ورگاندارى تەرگەۋگە قوسىلدى. انتۆەرپەن ينجەنەرلىك دەپارتامەنتىنىڭ ماماندارى جاڭا عيماراتتىڭ قۇلاۋىنا نە سەبەپ بولعانىن انىقتاۋدا. قازىرگى ۋاقىتتا مەكتەپ قۇرىلىسىن ءبىتىرۋ مۇمكىن بولاتىنىنا كۇمان بار، قالا باسشىلىعى قۇرىلىسى اياقتالۋعا جاقىن بارلىق عيماراتتى بۇزۋعا تۋرا كەلەتىنىن جوققا شىعارمايدى.

اۆتور: گۇلزات اقجولوۆا