مۇحاممەد ءاليدىڭ نەمەرەسى كاسىبي رينگكە شىعۋعا بەل بۋدى

نۇر- سۇلتان. قازاقپارات - اۋىر سالماقتا بۇرىنعى الەم چەمپيونى مۇحاممەد ءاليدىڭ نەمەرەسى نيكو ءالي ۋولش 14-تامىزدا كاسىبي رينگكە شىعادى، دەپ حابارلايدى قازاقپارات Sports.kz سايتىنا سىلتەمە جاساپ.

Top Rank كومپانياسى ۋولشتىڭ جۇدىرىقتاسۋىن ەندريۋ ءمولونيدىڭ دجوشۋا فرانكوعا قارسى جەكپە- جەگىنىڭ اندەركاردىندا وتكىزەدى. Top Rank باسشىسى بوب ارۋم پروموۋتەرلىك مانسابىنداعى العاشقى جەكپە- جەكتى مۇحاممەد ءالي ءۇشىن 1966 -جىلى ۇيىمداستىرعان.

«اتام مەنىڭ پروموۋتەرلىككە بوب ارۋمنان باسقا ەشكىمدى قالاماعانىن ناقتى بىلەمىن. سىزدەر دون كينگتىڭ مەنىڭ اتاممەن جانە مايك تايسونمەن قالاي ارالاسقانىن كوردىڭىزدەر، بوكستا كوپ ادامعا سەنە بەرۋگە بولمايدى، ال بوب ارۋم بولسا - تەك بوكستا ەمەس، جالپى العاندا، بيزنەستە بەدەلگە يە ادام. مەن ءارقاشان Top Rank ءتىڭ ءبىر بولىگى بولعىم كەلگەن. بۇل - مەن ءۇشىن ۇلكەن قۇرمەت»، - دەدى ۋولش.