گەرمانيادا ۆيرۋستىڭ «ءۇندى شتامى» تارالۋدا

None
None
نۇر- سۇلتان. قازاقپارات - ەڭ ىستىق قۇرلىق ەلدەرى گۋمانيتارلىق كومەككە مۇقتاج. افريكانىڭ شىعىسىندا ورنالاسقان ۋگاندا كورشىلەس ەلدەردەن COVID-19 ينفەكتسياسىن جۇقتىرعان ناۋقاستاردى ەمدەۋ ءۇشىن وتتەگى اپپاراتىن جەتكىزۋدى سۇرادى.

كەم دەگەندە 15 مىڭ وتتەگى باللوندارى قاجەت. ەلدە كوروناۆيرۋستىڭ دەلتا نۇسقاسى تارالۋدا. 44,2 ميلليون تۇرعىنى بار ۋگاندادا، پاندەميا باسىنان بەرى COVID-19 اۋرۋىنىڭ 67 215 جاعدايى انىقتالىپ، 542 ادام قايتىس بولعان. الايدا، ناقتى دەرەكتەر الدەقايدا كوپ بولۋى مۇمكىن. گەرمانيا استاناسى تۇنگى ءومىرى قايتا قالىپقا كەلە باستادى. بەرليندە ۇزاق ۇزىلىستەن كەيىن، تۇنگى كلۋبتار ءوز جۇمىسىن جالعاستىردى. ءبىراق كارانتين شەكتەۋلەرى ءالى دە قولدانىلادى. كەلۋشىلەر سانى 250 ادامنان اسپاۋى ءتيىس. سونىمەن قاتار، مەكەمە قوناقتارىندا COVID-19 اۋرۋىنىڭ تەرىس ناتيجەسى، كۆي- عا قارسى ۆاكتسيناتسيا نەمەسە جاقىن ارادا اۋرۋدان ايىققانى تۋرالى انىقتاماسى بولۋ كەرەك.

جاپونيا وليمپيادا ويىندارىنا قاتىساتىن ەرىكتىلەردى ۆاكتسيناتسيالاۋدان وتكىزەدى. توكيوداعى الەمدىك دەڭگەيدەگى سپورتتىق سايىس 23-شىلدە مەن 8-تامىز ارالىعىندا وتەدى. سپورتشىلارمەن تىعىز بايلانىستا بولاتىنداردىڭ بارلىعى ەكپە سالدىرۋى قاجەت. اتاپ ايتقاندا، وليمپيادالىق اۋىلدىڭ، اۋەجايدىڭ قىزمەتكەرلەرى، وليمپيادالىق جانە پاراليمپيادالىق كوميتەتتەردىڭ وكىلدەرى جانە باسقا ەرىكتىلەردىڭ بارلىعى ۆاكيناتسيانى قابىلدايدى. حالىقارالىق وليمپيادا كوميتەتى ۆاكتسينانىڭ 40 مىڭ دوزاسىن ۇسىنىپ وتىر. گەرمانيادا ۆيرۋستىڭ ء«ۇندى شتامى» تاراۋدا. روبەرت كوح ينستيتۋتىنىڭ باسشىسى لوتار ۆيلەر ەل تۇرعىندارىن ساقتىق تانىتىپ، شەكتەۋ شارالارى مەن سانيتارلىق ەرەجەلەردى قاتاڭ ۇستانۋعا شاقىردى.

ونىڭ مالىمدەۋىنشە، كوروناۆيرۋستىق ينفەكتسيانىڭ «دەلتا» نۇسقاسى، اتالمىش مۋتاتسيا بولاشاقتا ۆيرۋستىڭ ەڭ كەڭ تارالعان ءتۇرى بولۋى مۇمكىن ەكەنىنە كۇمان كەلتىرمەيدى. دسۇ مالىمەتى بويىنشا، كۆي- نىڭ دەلتا- نۇسقاسى الەمنىڭ 80 ەلىندە تىركەلىپ ۇلگەرگەن. ەۋروكوميسسيا كەلىسىمشارتتا كورسەتىلگەن ۆاكسينا كولەمىن تولىق قامتاماسسىز ەتپەگەنى ءۇشىن ، AstraZeneca كونتسەرنىن سوتقا بەردى. بريۋسسەلدەگى ءبىرىنشى ينستانتسياداعى سوت AstraZeneca فارمكونتسەرنىن قىركۇيەكتىڭ سوڭىنا دەيىن ەۋرووداققا كوروناۆيرۋستىق ينفەكسياعا قارسى ۆاكسينانىڭ 50 ميلليون دوزاسىن جەتكىزۋگە مىندەتتەدى. بۇل تالاپ ورىندالماعان جاعدايدا، ءبىر دوزا ءۇشىن 10 يەۆرو ايىپپۇل سالىنادى.

سوڭعى جاڭالىقتار