ۇنەمى شارشاڭقى جۇرەتىن كۇيدەن قالاي ارىلۋعا بولادى؟

نۇر-سۇلتان.قازاقپارات - جۇمىسقا دا، باسقاعا دا زاۋقىڭىز بولماي، ۇنەمى تۇنجىراپ، شارشاپ جۇرەتىن بولساڭىز، بۇل ءسىز ويلاعانداي جاس ۇلعايا قالىپتاساتىن قالىپتى جاعداي ەمەس.

ونىڭ دا وزىندىك سەبەبى بار. ماسەلەنىڭ الدىن الىپ نە شەشۋ جولىن قاراستىرساڭىز، بارلىعىن قالپىنا كەلتىرۋگە بولادى.

بۇل كۇيىڭىزدىڭ باستى سەبەپتەرى:

- اعزادا گورموندار وزگەرۋى؛

- اينالانىڭ شۋى؛

- قۋانىش، قورقىنىش، قىزعانىش، تولقۋ سەكىلدى سەزىمدەر ءبىر مەزەتتە قاتار كەلۋى؛

- ويدىڭ شاشىراڭقى بولۋى.

ماسەلەنىڭ شەشىمى قانداي؟

تاڭعى استى قالدىرماي، مىندەتتى تۇردە ءىشىڭىز.

ءجيى- ءجيى ءارى كوپ مولشەردە سۇيىقتىق ءىشىڭىز.

ۇيقىڭىز كەلسە، جاتىپ دەمالىڭىز. قانشا جاتساڭىز دا ۇيىقتاي الماي قويساڭىز، ارنايى ءدارى ىۇشۋگە دە بولادى.

كۇشىڭىز سارقىلسا - سەكىرىڭىز. ايتقاندا ءبىرتۇرلى ەستىلەتىنى راس. شارشاعان كەزدە تاۋلىك بويى تۇرماستان ۇيىقتاي بەرگىڭىز كەلەدى. ءبىراق نەشە ساعات ۇيىقتاساڭىز دا، ويانعاندا ءبارىبىر سول كۇيى شارشاپ تۇراسىز، سولاي عوي؟ سوندىقتان بۇل جايتتىڭ ەمى كوبىرەك جاياۋ ءجۇرۋ، اۋەن ىرعاعىنا ىلەسىپ بيلەۋ، ليفتىگە مىنبەۋ.

جانىڭىز قالاماعان ىسكە كىرىسپەڭىز. قانداي قيماسىڭىز بولسا دا، وعان بۇل ىسپەن اينالىسقىڭىز كەلمەيتىنىن ايتۋدان قىسىلماڭىز. سوندا ءومىرىڭىز قۋانىشتى ساتكە تولا تۇسەدى. وزىڭىزگە ۇنايتىن ومىرگە ءبىر تابان جاقىنداي تۇسەسىز.

ىشىڭىزدەن بەسكە دەيىن ساناپ، تەرەڭ دەمالىڭىز. مۇرنىڭىزبەن باياۋ ءارى تەرەڭ تىنىستاپ، دەمدى ىشكە جيناڭىز دا، وسىلاي اقىرىن اۋانى اۋزىڭىزدان شىعارىڭىز. ەكى مينۋتتاي قايتالاڭىز. وسىلاي اعزاڭىز دەمالىپ، وتتەگىگە تولىعا تۇسەدى.

massaget.kz