قاسىم- جومارت توقايەۆ يراننىڭ جاڭا سايلانعان پرەزيدەنتىنە قۇتتىقتاۋ جەدەلحاتىن جولدادى
مەملەكەت باسشىسى قاسىم- جومارت توقايەۆ يبراحيم ءرايسيدى يران يسلام رەسپۋبليكاسىنىڭ پرەزيدەنتى بولىپ سايلانۋىنا بايلانىستى قازاقستان حالقىنىڭ جانە جەكە ءوزىنىڭ اتىنان قۇتتىقتادى.
- سايلاۋداعى ايقىن جەڭىسىڭىز - وتانىڭىزدىڭ دامۋىن باياندى، ىرگەسىن بەرىك، مەرەيىن ۇستەم ەتۋگە باعىتتالعان ساياسي باعىتىڭىز بەن باعدارلامالارىڭىزدى قولداۋدىڭ، سونداي- اق، يراندىقتاردىڭ بولاشاققا ۇمتىلىسىن وزىڭىزبەن بايلانىستىرىپ وتىرعانىنىڭ جارقىن كورىنىسى. وسى تۇستا، يران يسلام رەسپۋبليكاسى مەن ونىڭ حالقىنىڭ يگىلىگى مەن كەمەل كەلەشەگىن اسىل ماقسات تۇتقان باستامالارىڭىز بەن قولعا العان ىستەرىڭىزگە ساتتىلىك سەرىك بولۋىنا تىلەكتەستىگىمدى بىلدىرەمىن، - دەلىنگەن جەدەلحاتتا.
مەملەكەت باسشىسى يراندى كاسپيي وڭىرىندەگى تاتۋ كورشى جانە يسلام الەمىندەگى قازاقستاننىڭ سەنىمدى سەرىكتەستەرىنىڭ ءبىرى رەتىندە سانايتىنىن ايتتى. سونىمەن قاتار پرەزيدەنت ەكى ەل اراسىنداعى ءداستۇرلى دوستىق پەن ءوزارا قولداۋ رۋحىندا قالىپتاسقان ىنتىماقتاستىقتى ساقتاپ قانا قويماي، وعان تىڭ سەرپىن، جاڭا ءمان بەرەتىنىنە سەنىم ءبىلدىرىپ، ەكىجاقتى جانە كوپجاقتى فورماتتارداعى تىعىز ىقپالداستىقتى ودان ءارى نىعايتۋ ءۇشىن يران پرەزيدەنتىمەن بىرلەسە كۇش جۇمىلدىرۋعا دايىن ەكەنىن ناقتىلادى.
قاسىم- جومارت توقايەۆ يبراحيم ءرايسيدىڭ جاۋاپتى قىزمەتىنە تولاعاي تابىس، وتباسىنا باياندى باقىت، ال دوستاس يران حالقىنا ىرىس پەن قۇت- بەرەكە تىلەدى.