فۋتبولدان ەۋروپا چەمپيوناتى: يسپانيا مەن پولشا تەڭ ءتۇستى

نۇر- سۇلتان. قازاقپارات - فۋتبولدان ەۋروپا چەمپيوناتىنىڭ فينالدىق ساتىسىنىڭ توپتىق كەزەڭى ەكىنشى تۋرىندا يسپانيا مەن پولشا كەزدەستى، دەپ حابارلايدى قازاقپارات ءتىلشىسى.

ەسكە سالساق، اتالعان ەكى قۇراما ە توبىندا سىنعا تۇسەدى. قارسىلاستارى - شۆەتسيا مەن سلوۆاكيا. العاشقى تۋردا پولشا سلوۆاكياعا 1:2 ەسەبىمەن جول بەرسە ، يسپانيا شۆەتسيامەن 1:1 ەسەبىمەن تەڭ ءتۇستى.

يسپانيا مەن پولشا بۇعان دەيىن 12 مارتە كەزدەستى. ونىڭ 8-ىندە يسپاندار جەڭىسكە جەتىپ، 3 ەۋىندە پولشالىقتار باسىم تۇسسە، قالعانىندا تەڭ ناتيجە تىركەلدى. بۇگىنگى كەزدەسۋدە الدىمەن يسپاندار ەسەپ اشتى. ويىننىڭ 25-مينۋتىندا الۆارو موراتا يسپانيانى العا شىعاردى. بۇدان كەيىن 54-مينۋتتا پولشالىق روبەرت ليەۆاندوۆسكي تارازى باسىن تەڭەستىردى. ال 58-مينۋتتا يسپانيالىق جەرار مورەنو پەنالتيدى ءمۇلت جىبەردى. كەزدەسۋدە قۇرامالار 1:1 ەسەبىنە قاناعات ءبىلدىرىپ تاراستى.

اتالعان كەزدەسۋمەن ەكىنشى تۋر ويىندارى تۇيىندەلدى. ەندى 20 - ماۋسىمدا ا توبىنداعى قۇرامالار 1/8 فينالعا جولداما كىمدەرگە بۇيىرعانىن انىقتايدى.

ايتا كەتەيىك، ەندى اتالعان توپتاعى ءۇشىنشى تۋر ويىندارى 23 - ماۋسىمدا وتكىزىلەدى. بۇل كۇنى يسپانيا مەن سلوۆاكيا، شۆەتسيا مەن پولشا قۇرامالارى شەبەرلىك بايقاسادى.