قۋات حاميتوۆ ۋكراينالىق قارسىلاسىن ءبىرىنشى راۋندتا بۋىندىرۋ ادىسىمەن جەڭدى

نۇر- سۇلتان. قازاقپارات - قازاقاستاندىق ەرەجەسىز جەكپە- جەك شەبەرى قۋات حاميتوۆ (22-6-2) اتىراۋدا ارالاس جەكپە- جەكتەن وتكەن Mergen Fighting Championship تۋرنيرىندە كورەرمەندەردىڭ ەرەكشە نازارىن اۋدارعان سپورتشىلاردىڭ ءبىرى بولدى، دەپ حابارلايدى قازاقپارات.

حاميتتىڭ قارسىلاسى ۋكراينالىق فايتەر رومان گولوۆينوۆ (10-4) بولدى. ورتا سالماقتاعى جەكپە- جەك 3 راۋندتان تۇراتىن. قۋات حاميتوۆ قارسىلاسىن بۋىندىرۋ ادىسىمەن جەڭدى.

وسىلايشا، قۋات حاميتوۆ ءوزىنىڭ مما بويىنشا كاسىبي كارەراسىنداعى 23- جەڭىسىنە قول جەتكىزىپ، MFC پروموۋشەنىنىڭ چەمپيوندىق بەلدىگىن جەڭىپ الدى. ال رومان گولوۆين 5- رەت جەڭىلىس تاپتى.

ايتا كەتەيىك، بۇل قۋات حاميتوۆتىڭ 2021 -جىلى وتكىزگەن ەكىنشى جەكپە- جەگى. وسىعان دەيىن ول قاڭتار ايىندا كەزدەسۋ وتكىزىپ، رەسەيلىك جەكپە- جەك شەبەرى ماكسيم پانتەلەيەۆتى (0-1) 49 سەكۋندتا نوكاۋتقا تۇسىرگەن بولاتىن.