14:10, 19 - ماۋسىم 2021 | GMT +6
جاپونيادا قوڭىر ايۋ ءتورت ادامدى جارالادى
نۇر-سۇلتان.قازاقپارات - جاپونيانىڭ ساپپورو قالاسىنا قوڭىر ايۋ كىرىپ كەتىپ، 4 ادامدى جارالادى. جىرتقىش الدىمەن ەكى قارت كىسى مەن جاسى 40 تار شاماسىنداعى ءبىر ەر ادامعا شاپقان.
وسىدان كەيىن وقيعا ورىنىنان ءىزىم- قايىم جوعالىپ، تاڭ اتا جاياۋ اسكەر لاگەرىنە كىرىپ، تاعى ءبىر جاۋىنگەرگە تارپا باس سالعان. پوليسيا ايۋدىڭ ىزىنە ءتۇسىپ، ونى اتىپ ءولتىردى.
جەرگىلىكتى بيلىك قالادا قوڭىر ايۋدىڭ پايدا بولعانىنا اڭ- تاڭ. سەبەبى بۇل جىرتقىشتار ادەتتە وسى ەلدىڭ حوككايدو پرەفەكتۋراسىنىڭ ورمانىندا مەكەن ەتىپ، تەك ازىق ىزدەگەن كەزدە عانا جاقىن ەلدى مەكەندەردە كورىنەدى ەكەن.
www.24.kz