فۋتبولدان ەۋروپا چەمپيوناتى: انگليا مەن شوتلانديا تەڭ ءتۇستى

نۇر- سۇلتان. قازاقپارات - فۋتبولدان ەۋروپا چەمپيوناتىنىڭ فينالدىق ساتىسىنىڭ توپتىق كەزەڭى ەكىنشى تۋرىندا انگليا مەن شوتلانديا كەزدەستى، دەپ حابارلايدى قازاقپارات ءتىلشىسى.

ەسكە سالساق، اتالعان ەكى قۇراما D توبىندا سىنعا تۇسەدى. قارسىلاستارى - حورۆاتيا مەن چەحيا. العاشقى تۋردا انگليا چەحيادان 1:0 ەسەبىمەن باسىم تۇسسە، شوتلانديا حورۆاتياعا 0:1 ەسەبىمەن جول بەردى.

ەكى قۇراما بۇعان دەيىن 116 مارتە كەزدەستى. ونىڭ 48-دە اعىلشىندار جەڭىسكە جەتىپ، 41 ىندە شوتلانديالىقتار باسىم تۇسسە، قالعانىندا تەڭ ناتيجە تىركەلدى. بۇگىنگى كەزدەسۋدە ەكى قۇراما جەڭىسكە جەتۋ جولىن ىزدەدى. دەگەنمەن تابلوداعى ەسەپ وزگەرىسسىز قالدى. ويىندا 0:0 ەسەبى تىركەلدى.

بۇگىن اتالعان توپتاعى حورۆاتيا مەن چەحيا 1:1 ەسەبىمەن تەڭ ءتۇستى. بۇل توپتاعى ءۇشىنشى تۋر ويىندارى 22 - ماۋسىمدا بولادى. بۇل كۇنى حورۆاتيا مەن شوتلانديا، چەحيا مەن انگليا قۇرامالارى كەزدەسەدى.