گولوۆكين مەن مۋراتانىڭ ايقاسى وتەتىن كۇن وزگەردى

نۇر- سۇلتان. قازاقپارات - قازاقستاندىق بوكسشى گەننادي گولوۆكيننىڭ (41-1-1، 36 ك و) جاپوندىق ريوتا مۋراتامەن (16-2، 13 ك و) جەكپە- جەگى وتەتىن كۇن بەلگىلى بولدى، دەپ حابارلايدى Sports.kz Foxsports.com.au-عا سىلتەمە جاساپ.

اۆستراليالىق پروموۋتەر دين لونەرگاننىڭ ايتۋىنشا، گولوۆكيننىڭ مۋراتامەن ايقاسى روجدەستۆو كۇنى (28-جەلتوقسان) وتەدى. بۇعان دەيىن گولوۆكين - مۋراتا ايقاسى 31-جەلتوقساندا توكيودا (جاپونيا) ءوتۋى مۇمكىن دەپ حابارلانعان بولاتىن.

گولوۆكيننىڭ پروموۋتەرى توم لەففلەردىڭ ايتۋىنشا، مۇنىڭ الدىندا جاز كەزىندە قازاقستاندىق تاعى ءبىر سپورتشىمەن باق تالاستىرادى.

ەسكە سالايىق، گەننادي IBF جانە IBO نۇسقالارى بويىنشا ورتا سالماقتاعى الەم چەمپيونى، ال مۋراتا WBA Super بەلبەۋىنە يە.