+7 (701) 759 90 19
12 °С : نۇر-سۇلتان
20 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

اقمولا وبلىسىنىڭ اكىمى كوبەيتۇزدى قورعاۋعا قاتىستى پىكىر ءبىلدىردى

18 ماۋسىم 17:27
:ءبولىسۋ
اقمولا وبلىسىنىڭ اكىمى كوبەيتۇزدى قورعاۋعا قاتىستى پىكىر ءبىلدىردى

نۇر- سۇلتان. قازاقپارات - اقمولا وبلىسىنىڭ اكىمى ەرمەك مارجىقپايەۆ كوبەيتۇز كولىن قورعاۋعا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«وتكەن جىلى بۇل ماسەلە قوعامدىق رەزونانس تۋدىردى. مەملەكەت باسشىسى بۇل ماسەلەگە نازار اۋداردى. بۇل كول ءبىزدىڭ وڭىردەگى ەرەكشە ورىنداردىڭ ءبىرى. وسى ورايدا كولدى ساقتاپ قالۋ ءۇشىن ول جەردە ادامدار قىزمەت ەتتى. سول اۋماقتا سانيتارلىق، سۋدى قورعاۋ اۋماعىن جاسادىق. سونىمەن قاتار، ەكولوگيا مينيسترلىگىمەن بىرلەسە ءتيىستى تالداۋ جۇرگىزدىك. ونداعى سۋ مەن تۇزدا اۋىر مەتالدار كوپ ەكەنى انىقتالدى. سوندىقتان تۋريستەردىڭ دەنساۋلىعى ءۇشىن اتالعان كولدە بولۋ قاۋىپسىز ەمەس»، - دەدى ە. مارجىقپايەۆ ورتالىق كوممۋنيكاتسيالار قىزمەتىندە.

بۇل تۇرعىدا ول ادامداردى كوبەيتۇزعا بارۋدان باس تارتۋدى سۇرادى. بۇدان بۇرىن حابارلانعانداي، جاقىندا ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ قازاقستاندىقتارعا كوبەيتۇزعا بارماۋعا كەڭەس بەردى. ۆەدومستۆو باسشىسى كوبەيتۇزدىڭ سۋى مەن تۇزى ادام اعزاسىنا قاۋىپ ءتوندىرۋى مۇمكىن دەگەن بولجام ايتتى.

اۆتور: رۋسلان عابباسوۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات